16 qazanda Qazaqstan halqy nan kúnin atap ótedi. Bul kún astyq ónimderiniń mártebesin nyǵaıtý maqsatynda 2019 jyly Úkimettiń qaýlysymen bekitilgen, dep habarlaıdy almaty-akshamy.kz.
Nan kúnin sharýalar, un tartýshylar, naýbaıshylardyń da kásibı merekesi deýge bolady.
Otandyq sharýalardyń eńbeginiń arqasynda elimiz aıtarlyqtaı astyq resýrstaryna ıe jáne azyq-túlik naryǵynyń mańyzdy qatysýshysy bolyp tabylady. Bıylǵy jyl nan ósirýshiler úshin qıyn boldy. Alaıda, barlyq syn-tegeýrinderge, qolaısyz aýa raıy jaǵdaılaryna qaramastan, Qazaqstan ishki naryqty bıdaıdyń qajetti kólemimen tolyq qamtamasyz etip, sondaı-aq óziniń eksporttyq áleýetinde saqtaıdy, dep jazdy Aýyl sharýashylyǵy mınıstrligi.
Búgingi tańda respýblıka boıynsha astyq jınaý naýqany aıaqtalýda, jumystar 15,6 mln gektarǵa (90,2%) júrgizildi. Ortasha ónimdiligi 9,3 s/ga bolǵan kezde dıqandar 14,6 mln tonna astyq bastyrdy.