Almaty ákímí Darhan Satybaldy qalada kommunaldyq jármeńkeler qūru jobasyn qarastyrǵan keńes ótkízdí.
Qazírgí uaqytta bírneshe sáulettík jáne funktsıonaldyq sheshím pysyqtalyp jatyr. Ár audanda jańa jármeńkelerdí ornalastyruǵa arnalǵan aldyn ala oryndar belgílendí. Sonymen qatar «Almaty» áleumettík-kásípkerlík korporatsıyasynyń qoldanystaǵy pavılondary zamanauı talaptarǵa sáıkes jańǵyrtu jospary qatar qarastyryluda.
Bastamanyń maqsaty – deldaldardan bas tartyp, fermerler úshín qolaıly jaǵdaı jasau.
Joba sarapshylarmen jáne tıístí qyzmettermen bírlesíp pysyqtalatyn bolady. Taldau nátıjelerí boıynsha jármeńkelerdíń ońtaıly formaty, onyń íshínde ınfraqūrylymy, ornalastyru tártíbí jáne baǵa belgíleu tetíkterí ūsynylady.
Ákímníń aıtuynsha, qalanyń míndetí – ashyq sauda júıesín qalyptastyru, jergílíktí óndírushílerdí qoldau jáne satyp alushylar úshín qolaıly jaǵdaı jasau.
