Sporttyq «Evro-Futbol.Ru» portaly búgín Astanada ótetín Chempıondar lıgasynyń jalpy kezeńíndegí «Qaırat» – «Olımpıakos» matchíníń boljamdy qūramyn jarıyalady, dep habarlaıdy Aqshamnews.kz tílshísí Sports.kz-ke sílteme jasap.
Basylym málímetínshe, altynshy turda almatylyq «Qaırat» pen grektíń «Olımpıakosy» óte mańyzdy oıynda júzdesedí.
«Qaırattyń» boljamdy qūramy:
Anarbekov (qaqpashy), Mata, Sorokın, Martynovıch, Tapalov, Gleızer, Qasabūlat, Gromyko, Jorjınyu, Mrynskıı, Edmılson.
«Olımpıakostyń» boljamdy qūramy:
Tsolakıs (qaqpashy), Ortega, Pırola, Byankon, Marselo, Muzakıtıs, Esse, Podense, Shıkınyu, Strefetstsa, El-Kaabı.
Almatylyq klub sapynda qaqpashy Aleksandr Zarutskıı men Ofrı Arad jaraqatyna baılanysty alańǵa shyǵa almaıdy. Sondaı-aq «Qaırattyń» oıynshysy Dastan Satpaev būl kezdesude dıskvalıfıkatsıyaǵa ūshyraǵan. «Olımpıakos» jaǵynda Aleksandros Pashalakıs pen Panaıotıs Retsas jaraqat alǵan.
Aldyńǵy turda ekí komanda da bír dop aıyrmashylyǵymen jeńílíp qalǵan edí: «Qaırat» «Kopengagenge» 2:3 esebímen jol berse, «Olımpıakos» madrıdtík «Realdan» 3:4 esebímen ūtyldy.
Bes tur qorytyndysy boıynsha «Qaırat» nebárí bír ǵana ūpaı jınaǵan. «Olımpıakos»-tyń da jaǵdaıy máz emes. Grek klubynyń enshísínde ekí ūpaı bar.
