Aqtóbede tanysyn "Otbasy bank" arqyly jeńíldetílgen baǵdarlama boıynsha baspana alyp beremín dep sendíríp, írí kólemde aqsha alǵan áıelge sot úkímí shyqty, dep habarlaıdy Aqshamnews.kz tílshísí «Dıapazon» gazetíne sílteme jasap.
Belgílí bolǵandaı, alayaqtyq áreketke barǵan 39 jastaǵy áıel kópbalaly anaǵa jeńíldíkpen úı aluǵa múmkíndík baryn aıtyp, soǵan kózín jetkízgen. Jábírlenushí oǵan bastapqy jarna retínde 2 mıllıon teńge audarǵan. Alaıda uáde etílgen baspana berílmegen soń, áıel polıtsıyaǵa júgíngen.
Tergeu barysynda aıyptalushynyń taǵy bír jábírlenushíden 3 mıllıon teńge alǵany anyqtaldy.
Sotta kúdíktí óz kínásín tolyq moıyndap, «Otbasy bankke» esh qatysy joǵyn, jalǵan uáde bergenín aıtty. Onyń aıtuynsha, aqshanyń bír bólígín qūrylystyń bastapqy kezeńínde (kotlovan satysynda) páter satyp aluǵa jūmsamaq bolǵan, bíraq mámíle júzege aspaǵan. Keıín ol jábírlenushílerdíń qarajatyn óz em-domyna shyǵyn etkenín moıyndady.
Sot aıyptalushynyń ekí balasy baryn jáne qazír úshínshí balasyn kútíp júrgenín eskerdí. Amnıstıya normalaryn qoldana otyryp, áıelge 2 jyl 8 aı merzímge bas bostandyǵyn shekteu jazasy taǵaıyndaldy. Sonymen qatar ol jábírlenushílerge keltírílgen 5 mıllıon teńge materıaldyq shyǵyndy óteuge míndetteldí.
