Qazaqstanda JRVI boıynsha epıdjaǵdaı tūraqtalyp keledí, dep habarlaıdy Aqshamnews.kz tílshísí Densaulyq saqtau mınıstrlígí Sanıtarıyalyq-epıdemıologıyalyq baqylau komıtetíne sílteme jasap.
Vedomstvo málímetínshe, keıíngí aptada jedel respıratorlyq vırustyq ınfektsıyanyń (JRVI) 198 532 jaǵdaıy tírkelgen. Būl aldyńǵy aptamen salystyrǵanda 1,7 ese tómen.
Epıdmausym bastalǵaly berí 2 295 adamnyń tūmaumen auyrǵany zerthanalyq túrde rastaldy. Al tūmauǵa qarsy 2 268 891 adamǵa vaktsına salynǵan, būl respublıka halqynyń shamamen 11 paıyzyna teń.
Qazírgí táulíkke deıíngí jaǵdaı boıynsha 269 mekteptegí 25 850 oqushy qashyqtan oqu formatyna auystyrylǵan. Komıtet deregínshe, bír táulík íshínde qashyqtan oquǵa jíberílgen oqushylar sany 73,5 paıyzǵa, al qashyqtan oquǵa auysqan mektepter sany 40 paıyzǵa azaıǵan.
Sanıtarıyalyq-epıdemıologıyalyq baqylau komıtetí JRVI men tūmaudyń aldyn alu sharalaryn qatań saqtaudy eske saldy. Atap aıtqanda:
-
syrqat adamdarmen qatynasty shekteu, nauqastardy oqshaulau;
-
adamdar kóp jınalatyn oryndarǵa barmau, jabyq bólmelerde maska taǵu;
-
jótelgende jáne túshkírgende auyz ben mūryndy salfetkamen jabu;
-
úı-jaıdy jáne jūmys oryndaryn tūraqty túrde jeldetu;
-
qoldy jıí árí mūqıyat juu ūsynylady.
