Aqtóbede azamattardyń atyna onlaın nesıe rásímdegen alayaq sottaldy, - dep habarlaıdy Aqshamnews.kz tílshísí.
Aqtóbe qalasynyń №2 soty írí kólemdegí alayaqtyq jasady dep aıyptalǵan er adamǵa qatysty qylmystyq ístí qarady. Tergeu málímetínshe, ol sybaılastarynyń kómegímen ózín «Qazposhta» AQ men Ūlttyq banktíń qyzmetkerí retínde tanystyrǵan.
Kúdíktí azamattardyń ūyaly telefondaryna keletín bír rettík qūpıya SMS-kodtardy aldap alǵan. Keıín sol derekter arqyly mobıldí bankıng júıesímen qarajatty ózí basqarǵan shottarǵa audaryp, jábírlenushílerdíń atyna onlaın nesıe rásímdegen.
Alayaqtyń áreketínen bes adam zardap shegíp, jalpy shyǵyn kólemí 26,9 mln teńgení qūrady.
Sot otyrysynda aıyptalushy óz kínásín moıyndamaǵanymen, onyń qylmysqa qatysy jábírlenushílerdíń jauaby, banktík tólem úzíndílerí jáne ís materıaldarymen dáleldendí.
«Sot úkímímen azamat “Ch.” Qylmystyq kodekstíń 28-baby 5-bólígí jáne 190-baby 3-bólígíníń 1, 4-tarmaqtary boıynsha kínálí dep tanylyp, 4 jyl 8 aı merzímge bas bostandyǵynan aıyryldy», – delíngen sot habarlamasynda.
Qazaqstan Respublıkasy Konstıtutsıyasynyń 30 jyldyǵyna baılanysty jarıyalanǵan amnıstıya turaly zańǵa sáıkes, būl merzímníń besten bírí qysqartylyp, túpkílíktí jaza 3 jyl 8 aı 24 kún bas bostandyǵynan aıyru bolyp bekítíldí.
Úkím zańdy kúshíne endí.
