Almatyda páterden seıf urlap, ony troleıbýsqa salyp áketpek bolǵan er adam ustaldy, dep habarlaıdy Aqshamnews.kz tilshisi Polisia.kz portalyna silteme jasap.
Qalalyq krımınaldyq polısıanyń málimetinshe, kúdikti arnaıy júrgizilgen jedel is-shara kezinde qolǵa túsken. Ol páterden urlanǵan zattardyń bir bóligin naqtyraq aıtqanda shaǵyn seıfti qala troleıbýsy arqyly alyp ketýge tyrysqan.
«Qazirgi ýaqytta kúdiktiniń osyǵan uqsas ózge de qylmystarǵa qatysy bar-joǵy tekserilip jatyr. Biz múliktik qylmystardy ashý baǵytynda kúndelikti jumys júrgizemiz jáne qala turǵyndarynyń múlkin qorǵaýǵa erekshe nazar aýdaramyz», – dedi Almaty qalalyq polısıa departamenti krımınaldyq polısıa basqarmasynyń bastyǵy Asqat Dáýletıarov.
Oqıǵanyń barlyq mán-jaıyn anyqtaý úshin tergeý jáne jedel is-qımyldar jalǵasyp jatyr.