8 jeltoqsanǵa qaraǵan túni Almatynyń tau jáne tau bókteríndegí audandarynda qar jauyp, kún suytty. «Qazgıdromet» RMK derekteríne sáıkes, 9 jeltoqsanda jańbyr, jabysqaq qar, tūman túsíp, jeldíń kúsheıíp, kóktaıǵaq paıda boluy múmkín. Al 10 jeltoqsanǵa qaraǵan túní qalada 6-9 sm, al tauly aımaqta 15-20 sm-ge deıín qar túsetíní boljanǵan.
Osyǵan baılanysty Almatynyń kommunaldyq qyzmetí kúsheıtílgen jūmys rejımíne kóshtí. 8 jeltoqsan túnínde kóshe-jol jelísíne kóktaıǵaqtyń aldyn alu maqsatynda arnaıy qospalar sebíldí. Jūmys táulík boıy ūıymdastyrylyp, arnaıy tehnıka men jedel brıgadalar jūmyldyryldy.
Túngí jūmys barysynda 1 000-nan astam arnaıy tehnıka, 2,7 myń jūmysshy jáne 75 jedel brıgada kezekshílík atqardy. Eńíste, dóńde jáne kóktaıǵaq jıí paıda bolatyn aımaqtarǵa patruldík baqylau kúsheıtíldí. Almaty qūtqaru qyzmetí 15 tehnıka men 50 qyzmetkerdí, Tótenshe jaǵdaılar departamentí 53 tehnıka men 244 qyzmetkerdí tartty.
Jūmys barysynda barlyǵy 553,4 tonna kóktaıǵaqqa qarsy materıal qoldanyldy. Eń auqymdy jūmys kóktaıǵaq qaupí joǵary sanalatyn Bostandyq jáne Medeu audandarynda júrgízíldí.
Almaty ákímdígí, audan ákímdíkterí, Kommunaldyq ınfraqūrylym jáne tūrǵyn úı ınspektsıyasy basqarmasy, Polıtsıya departamentí, «Almaty Tazalyq» kásíporny jáne merdíger ūıymdar joldyń jaıyn táulík boıy baqylap otyr. Aldaǵy kúnderí aua temperaturasy tómendegen jaǵdaıda magıstraldyq kóshelerge qosymsha qospa sebíledí.
