«Qazaqstan temír joly» kompanıyasy Prezıdent tapsyrmasy ayasynda 4 myń shaqyrymnan astam temírjol uchaskesín jóndedí, - dep habarlaıdy Aqshamnews.kz tílshísí.
Memleket basshysy poıyzdardyń qozǵalys qauípsízdígín kúsheıtu jáne jyldamdyǵyn arttyru úshín jalpy 11 myń shaqyrym temír joldy qaıta jóndeudí tapsyrǵan bolatyn.
Ūlttyq kompanıya basshylyǵynyń málímetínshe, jūmys belgílengen keste boıynsha júríp jatyr. Búgínge deıín 4 375 shaqyrym jolda jóndeu jūmystary júrgízílgen. Qoldanystaǵy jelílerdí jańartumen qatar, jańa temírjol baǵyttary salynyp, ūzyndyǵy shamamen 3 myń shaqyrym bolatyn uchaskelerde zamanauı avtobloktau júıelerí engízílude.
«Memleket basshysynyń 11 myń shaqyrym temír joldy jóndeu jóníndegí tapsyrmasyn oryndau ayasynda qazírgí uaqytta 4 375 shaqyrymda jūmys jalǵasyp jatyr. Sonymen qatar 7 uchaskede avtobloktau júıesín jańǵyrtu jáne engízu boıynsha jūmystar júrgízílude. Būl jūmystardy kelesí jyly tolyq ayaqtau josparlanyp otyr», – dedí «QTJ» ŪK» AQ basqarma tóraǵasy.
