Astanada kámeletke tolmaǵandar ísterí jóníndegí mamandandyrylǵan audanaralyq sot oqushynyń omyrtqasyn syndyryp jíbergen ís boıynsha moraldyq ótemaqy óndíru turaly azamattyq daudy qarady, dep habarlaıdy Aqshamnews.kz tílshísí sotqa sílteme jasap.
Sot málímetínshe, elordadaǵy mektepterdíń bírínde oqushylar arasynda janjal shyǵyp, sonyń saldarynan kámeletke tolmaǵan R. esímdí oqushy synyptasyna jaraqat salǵan. Jábírlenushí qyzǵa «omyrtqanyń yǵysusyz jabyq synuy» degen dıagnoz qoıylyp, densaulyqqa ortasha auyrlyqtaǵy zıyan keltíru retínde baǵalanǵan. Psıholog qorytyndysyna saı, alǵan jaraqat fızıkalyq shekteulermen qatar moraldyq kúızelíske de ákelgen.
Zardap shekken oqushynyń anasy sotqa júgíníp, kínálí balanyń anasynan moraldyq zıyan keltírgení úshín 1,5 mln teńge óndírudí sūrady.
Sot otyrysynda jauapker kínání moıyndap, ūlynyń áreketí úshín ókínísh bíldírgenímen, zardaptyń auqymyn «onsha auyr emes» dep baǵalap, 100 myń teńge tóleudí ūsynǵan. Sonymen qatar otbasynyń qarjylyq múmkíndígí shekteulí ekenín alǵa tartqan.
Barlyq dáleldemelerdí zerdelegen sot moraldyq ótemaqy mólsherí aqylǵa qonymdy árí ádíl boluǵa tıís ekenín atap óttí. Nátıjesínde:
-
kínálí balanyń 14 jasqa tolmaǵany;
-
árekettíń qasaqana emes, abaısyz sıpatta boluy;
-
otbasynyń materıaldyq jaǵdaıy;
-
jábírlenushíníń moraldyq azap shekkení, bíraq onyń shamadan tys deńgeıde emesí
eskerílíp, talap aryz 300 myń teńge mólsherínde íshínara qanaǵattandyryldy.
Sonymen bírge sot jábírlenushí tarapqa em-domǵa baılanysty qosymsha shyǵyndar tuyndaǵan jaǵdaıda, rastaıtyn qūjattar negízínde būl somany keıín bólek talap etuge qūqyǵy bar ekenín túsíndírdí.
Sot sheshímí zańdy kúshíne endí.
