Qazaqstandaǵy aqyly avtomobıl joldarynan túsken kírís memlekettík byudjetke shamamen 79 mlrd teńge ákeldí. Būl turaly QR kólík mınıstrí Nūrlan Sauranbaev úkímet otyrysynda málímdedí, dep habarlaıdy Aqshamnews.kz tílshísí.
Mınıstrdíń aıtuynsha, Memleket basshysynyń tapsyrmasyna sáıkes e-Joldar júıesí ayasynda avtojoldardyń tsıfrlyq pasporttary qalyptastyrylyp jatyr. Būl aldaǵy uaqytta pılotsyz kólík júrgízu tehnologıyalaryn engízuge múmkíndík beredí.
«Jyl saıyn jasandy ıntellekt tehnologıyalaryn qoldana otyryp, joldardyń dıagnostıkasy júrgízíledí», – dedí Sauranbaev.
Sonymen qatar, jol jabynynyń saqtaluyn qamtamasyz etu úshín 220 bírlíkke deıín avtomattandyrylǵan ólsheu stantsıyalaryn ornatu jūmysy jalǵasyp jatyr. Qazírgí uaqytta olardyń 71-í paıdalanuǵa berílgen.
«Byudjetke túsetín salmaqty azaıtu úshín respublıkalyq mańyzy bar joldarda aqyly uchaskeler kezeń-kezeńímen engízílíp jatyr. Aqyly joldardaǵy KazToll júıesí arqyly búgíngí kúnge deıín 79 mlrd teńge kólemínde qarjy jınaldy», – dep atap óttí kólík mınıstrí.
