Prezıdent Qasym-Jomart Toqaev Reseıdiń Qazaqstandaǵy elshisi Alekseı Borodavkındi qabyldady, - dep habarlaıdy Aqshamnews.kz tilshisi Aqordaǵa silteme jasap.
Memleket basshysy birlesken kúsh-jigerdiń arqasynda Qazaqstan men Reseı arasyndaǵy kópjosparly yntymaqtastyq barlyq baǵytta damyp, saıası dıalog buryn-sońdy bolmaǵan qarqyndy sıpat alǵanyn atap ótti.
Qazaqstan Prezıdenti jýyrda Reseı Federasıasyna jasaǵan memlekettik saparynyń jáne Vladımır Pýtınmen júrgizgen kelissózderdiń tabysty ótkenine basa nazar aýdaryp, onyń nátıjesi jan-jaqty strategıalyq seriktestik jáne odaqtastyq qarym-qatynastarǵa aıtarlyqtaı serpin bergenine toqtaldy.