Qasym-Jomart Toqaev Ūlttyq banktíń tóraǵasy Tımur Súleımenovtí qabyldady, - dep habarlaıdy Aqshamnews.kz tílshísí Aqordaǵa sílteme jasap.
Qasym-Jomart Toqaev Ūlttyq bank tóraǵasy Tımur Súleımenovtí qabyldap, ekonomıka men qarjy júıesíníń jaı-kúıí, qańtar–qarasha aılarynda júrgízílgen aqsha-nesıe sayasatynyń negízgí baǵyttary jáne 2026 jylǵa arnalǵan jospar jónínde esep tyńdady.
Kezdesude ískerlík belsendílík, ınflyatsıyaǵa yqpal etetín faktorlar jáne baǵany tūraqtandyruǵa arnalǵan sharalar talqylandy. Tımur Súleımenovtíń aıtuynsha, Úkímet, Ūlttyq bank jáne Qarjy naryǵyn retteu jáne damytu agenttígí 2026–2028 jyldarǵa arnalǵan makroekonomıkany tūraqtandyru jáne halyqtyń ál-auqatyn arttyru jóníndegí bírlesken ís-qımyl baǵdarlamasyn júzege asyruǵa kírístí.
Ūlttyq bank tóraǵasy qarjy, valyuta jáne memlekettík baǵaly qaǵazdar naryǵyndaǵy jaǵdaı turaly da bayandady. Onyń deregínshe, jyl basynan berí Ūlttyq qordyń valyutalyq aktıvterí 4,8 mıllıard dollarǵa ósken. 11 aıdaǵy ınvestıtsıyalyq tabys shamamen 8,2 mıllıard dollardy nemese 13,7 paıyzdy qūrady.
Al eseptí kezeńde eldíń altyn-valyuta rezervterí 16,3 mıllıard dollarǵa (36 paıyzǵa) ūlǵaıyp, 62,1 mıllıard dollarǵa jettí. Bíryńǵaı jınaqtaushy zeınetaqy qorynyń aktıvterí qańtar–qarasha aralyǵynda 2,6 trıllıon teńgege (11,7 paıyzǵa) ósíp, 25 trıllıon teńge bolǵan.
Tımur Súleımenov sondaı-aq jappaı tsıfrlandyru barysy jáne Ūlttyq banktíń tsıfrlyq jobalary turaly málímdedí. Ásírese Antıfrod ortalyǵynyń jūmysy men ūlttyq tsıfrlyq qarjy ınfraqūrylymdaryn tehnologıyalyq tūrǵydan íske asyruǵa basa nazar audaryldy.
Aqparatqa sáıkes, Ūlttyq bank baǵa tūraqtylyǵyn saqtap, ınflyatsıyany orta eseppen 5 paıyzdyq mejede ūstap tūru úshín «barlyq qajettí sharalardy» qabyldap jatyr.
Memleket basshysy Ūlttyq bankke:
-
ınflyatsıyany tómendetuge,
-
qarjy naryǵynyń tūraqtylyǵyn qamtamasyz etuge,
-
tsıfrlyq transformatsıya sektoryn júıelí túrde damytuǵa
basa nazar audarudy tapsyryp, osy baǵyttar boıynsha bírqatar naqty tapsyrma berdí.
