Qytaıda memlekettík qarjy kompanıyasynyń būrynǵy basshysy ólím jazasyna kesíldí, dep habarlaıdy Aqshamnews.kz tílshísí QHR Ortalyq telearnasyna sílteme jasap.
Tergeu deregíne sáıkes, 2014–2018 jyldary Huarong International memlekettík qarjy kompanıyasynyń būrynǵy bas dırektory Baı Tyanhueı ózge tūlǵalarǵa jobalar satyp aluǵa jáne korporatıvtík qarjylandyru aluǵa kómektesken. Osy qyzmetíníń "aqysy" retínde ol jalpy somasy 1,108 mlrd yuan (shamamen 156 mln dollar) bolatyn aqsha men ózge de materıaldyq qūndylyqtar alǵan.
2024 jyldyń 28 mamyrynda Tyantszın qalalyq soty Baı Tyanhueıdí paraqorlyq úshín kínálí dep tanyp, oǵan ólím jazasyn taǵaıyndady.
2025 jyldyń aqpan aıynda sottalushy apellyatsıya túsírdí. Alaıda Tyantszınníń Joǵarǵy halyq soty úkímdí kúshínde qaldyrdy. Sot sheshímínde alynǵan paranyń mólsherí "asa írí", al onyń saldary "asa auyr" dep atap kórsetílgen. Materıaldar míndettí tártíppen Qytaıdyń Joǵarǵy halyq sotyna joldanyp, ol da ólím jazasyn bekíttí.
Aqyrǵy sheshím shyqqan soń Tyantszınníń Ekínshí aralyq halyq soty belgílengen úkímdí zańǵa sáıkes oryndady. Aqparat boıynsha, jazany oryndau aldynda Baı Tyanhueıge jaqyn tuystarymen kezdesuge múmkíndík berílgen.
