Memleket basshysy Qasym-Jomart Toqaevtyń jarlyǵymen Dastan Ryspekov Ulytaý oblysynyń ákimi bolyp taǵaıyndaldy, dep habarlaıdy Aqordanyń baspasóz qyzmeti.
"Memleket basshysynyń Jarlyǵymen Dastan Adaıuly Ryspekov Ulytaý oblysynyń ákimi laýazymyna taǵaıyndaldy", — delingen resmı qujatta.
Kerek derek
- Dastan Ryspekov 1984 jyly Qaraǵandy oblysynda dúnıege kelgen. Ál-Farabı atyndaǵy Qazaq Ulttyq ýnıversıtetin jáne QazMZÝ Almaty zań akademıasyn támamdaǵan.
- Eńbek jolyn 2006 jyly Almaty qalasyndaǵy Ekonomıka jáne búdjetti josparlaý departamentiniń túsimderdi boljaý bóliminde bas maman retinde bastaǵan.
- 2007-2016 jyldary Almaty qalasynyń Ekonomıka jáne búdjettik josparlaý departamentinde, Almaty qalasy boıynsha Tekserý komısıasynda, respýblıkalyq búdjettiń atqarylýyn baqylaý jónindegi esep komıtetinde basshylyq laýazymdarda qyzmet atqardy.
- 2016-2018 jyldary "Astana EKSPO-2017" UK" býhgalterlik esep jáne eseptilik departamentiniń dırektory – bas býhgalteri boldy.
- 2018-2019 jyldary Pavlodar oblysy Kásipkerlik, saýda jáne týrızm basqarmasynyń basshysy qyzmetin atqardy.
- 2019 jyldyń sáýir aıynan bastap "Astana EKSPO-2017" UK" AQ Ekonomıka jáne búdjetti josparlaý departamentiniń dırektory bolyp qyzmet etti.
- 2020 jyldan bastap Mádenıet jáne sport mınıstrligi Týrızm ındýstrıasy komıtetiniń tóraǵasy qyzmetin atqardy.