Qostanaı aýdandyq sotynda kıik múıizderin zańsyz saqtap, tasymaldaý isi qaraldy, bul memleketke iri zalal keltirdi, dep habarlaıdy aqshamnews.kz
Aıyptalýshy Astanadan Qostanaıǵa kıik múıizderin jetkizýge tyrysyp, júrgizýshi jaldaǵan. Alaıda, Aýlıekól tas jolynda polısıa qyzmetkerleri kólikti toqtatyp, onyń ishinen 823 kıik múıizin tapty. Memleketke kelgen zalal eki mıllıard teńgeden asty.
Prokýror aıyptalýshyny 10 jylǵa bas bostandyǵynan aıyrýdy surady, alaıda aıyptalýshy óz kinásin moıyndamady.
Sot aıyptalýshyny 8 jylǵa bas bostandyǵynan aıyryp, ańshylyqpen aınalysýǵa 5 jylǵa tyıym saldy.