Medeý aýdanyndaǵy №33 mektep-lıseıinde halqymyzdyń birtýar uldary Balýan Sholaq, Qajymuqan babalarymyzdyń atyn jańǵyrtyp, ulyqtaý maqsatynda ustazdar arasynda gir tasyn kóterý, qol kúresi syndy sport túrinen saıys ótti. Sporttyq saıysqa aýdandaǵy 28 mektep ujymy uıymshyldyqpen atsalysyp, óz múmkindikterin kórsetti.
Jarys qortyndysy boıynsha «Qol kúresinen» aýyr salmaqtylar arasynda 1-oryndy D.Serikqazy («Úrker» mektebi), 2-oryndy Q.Áýezov (№12 gımnazıa), 3-oryndy Q.Qasenov (№194 mektep muǵalimi); jeńil salmaq dárejesi boıynsha 1-oryndy D.Qaznabaev (№172 gımnazıa), 2-oryndy D.Datıev (№98 jalpy bilim beretin mektep), 3-oryndy M.Qurmanbek (№159 gımnazıa) aldy.
Gir tasyn kóterýden aýyr salmaq dárejesi boıynsha: 1-oryndy Q.Jabeldesov (№163 mektep-lıseı), 2-oryndy D.Nuralıev (№33 mektep-lıseı), 3-oryndy Sh.Sýmazov (№53 mektep-gımnazıa); jeńil salmaq dárejesi boıynsha júldeli 1-oryndy Q. Makkev (№163 mektep-lıseı), 2-oryndy N. Orynǵalıev (№131 mektep-lıseı) 3-oryndy Q.Tólendi (№ 194 jalpy mektep) aldy.
Sporttyq jarystyń eń tartysty túri voleıboldan ótti. Jarys qorytyndysy boıynsha 1-oryndy №131 mektep-lıseı, 2-oryndy №172 mektep-gımnazıa, 3-oryndy №98 mektep komandasy jeńip aldy.
Mektep ujymy shákirtterdi adal, meıirimdi adam etip tárbıeleýde Muqaǵalı jyrlarynyń qudireti erekshe ekenin tereń sezinip, onyń rýhyna arnalǵan ádebı aptalyqty ótkizýdi úrdiske aınaldyrǵan. Bul úrdis bıyl da jalǵasyp, aqyn shyǵarmashylyǵy keńinen nasıhattaldy.
Qorytyndy sharaǵa belgili ánshi Sandýǵash Stamǵazıeva kelip, aqyn óleńderine jazylǵan ánderdi oryndady. Mektep basshysynyń aıtýynsha, qoǵam úshin óz jemisin beretin mundaı izgilikti sharalar aldaǵy ýaqytta da óz jalǵasyn tabatyn bolady.