Almatyda 25 aqpanda Winter Run 2024 qysqy mereıtoılyq jarysy ótedi
Winter Run 2024 – bul bıyl onynshy ret ótetin ári 2024 jylǵy dástúrli birinshi qysqy júgirý. Atalǵan sporttyq is – shara 2024 jylǵy júgirý is-sharalarynyń kúntizbesin ashady jáne 29 qyrkúıekke josparlanǵan Almaty Marathon úlken startyna daıyndyq ispetti.
Jarysqa 10 jastan bastap barlyq nıet etkender qatysa alady, 15 jastan asqandar 10 km jáne 7 km skandınavıalyq serýendeýge jáne 10 jastan 14 jasqa deıingiler 3 km balalar qashyqtyǵyna qatysa alady. Jarystyń bastalýy men aıaqtalýy ál-Farabı dańǵylyndaǵy «Nurly Taý» BO-dan josparlanǵan.
Máre syzyǵynda barlyq sportshylarǵa estelik medal tabys etiledi. 3 km qashyqtyqtaǵy qyzdar men uldar arasyndaǵy úsh jeńimpaz, sondaı-aq 10 km jas sanatyndaǵy jeńimpazdar medaldarmen, gramotalarmen jáne seriktesterdiń syılyqtarymen marapattalady. Áıelder men erler arasyndaǵy 10 km qashyqtyqtaǵy absolútti esepte jeńimpazdarǵa negizgi syılyqtardan basqa, aqshalaı sertıfıkattar beriledi.
Winter Run 2024 uıymdastyrýshylary: «Birinshi bolý – batyldyq» korporatıvtik qory, Krida fıtnes-klýby, Akademık Sh.Esenov atyndaǵy Ǵylymı-bilim berý qory jáne #Sen basqasyń mýltısporttyq Youtube-arnasy qoldaýymen. İs-shara Almaty qalasy ákimdiginiń qoldaýymen ótkizilip jatyr.
Aǵymdaǵy jyly Almatyda dástúrli maýsymdyq jarystar josparlanǵan, olar: Summer Run, City Run, Sora Almaty Run, Tau Jarys, Almaty Half Marathon jartylaı marafony, velojarys – Almaty city Týry jáne Jyldyń eń kútiletin oqıǵasy – Almaty Marathon. «Almaty Marathon», «Almaty Half Marathon» jáne «Almaty Copa Run» saıttarynda tirkelý uıymdastyrýshylardyń resmı saıtynda qoljetimdi almaty-marathon.kz. İs-sharalar kúntizbesimen Almaty marafonynyń saıtynda tanysýǵa bolady.
Qosymsha aqparat alý úshin habarlasyńyz:
Vasılına Atoıans, «Almaty marafony» halyqaralyq júgirý is-sharasynyń uıymdastyrýshysy bolyp tabylatyn «Birinshi bolý- batyldyq» korporatıvtik qorynyń PR-menedjeri: +7 (727) 311-51-85, +7 (707) 401 43 79, prmanager@almaty-marathon.kz