"Dýdaraı", "Qusnı Qorlan" jáne basqa da Uly dalanyń áıgili áýenderi Parıj sahnasynda shyrqaldy.
Olardy bir sahnada Avstrıa, Italıa, Fransıa, Germanıa, Túrkıa elderinde turyp jatqan tegi qazaq mýzykanttar men ánshiler oryndady. İs-shara tarıhı otanynan jyraqta júrgen júzdegen qazaqtyń basyn qosqan shaǵyn quryltaı aıasynda ótti, dep habarlaıdy Almaty-akshamy.kz Qazaqtv.com-ǵa silteme jasap.
Shara «Otandastar» qory men Qazaqstannyń Fransıadaǵy elshiliginiń qoldaýymen uıymdastyryldy.
"Eń bastysy, týǵan jerińmen árqashan baılanysta bolýyń kerek. Eń bastysy, bárimiz de Qazaqstanda týǵanbyz. Shetelde qazaq mádenıetin tanytatyn quryltaıda, konsertte óner kórsetýge múmkindik bolyp jatsa, men árqashan qoldaý bildirip, qatysýǵa daıynmyn", - ánshi QUdaıbergen Ábildın (Germanıa).
"Bizdiń áýenderdi Eýropa eline tanytý keremet ıdeıa dep oılaımyn. Sebebi, qazaq mýzykasy ońaı óńdeledi. Biz mýzykalardy, tek qazaqstandyqtar ǵana emes, eýropalyqtar tyńdaı alatyndaı aranjırovka jasadyq", - dedi mýzykant Aıdana Madıar (Avstrıa).