Eltańbanyń sol jáne oń jaǵynda ulttyq oıý-órnek elementteri ornalasqan.
Qazaqstan Ulttyq banki (budan ári – QUB) BÚRKIT koleksıalyq monetalaryn aınalymǵa shyǵarady, dep habarlaıdy Almaty-akshamy.kz banktiń baspasóz qyzmetine silteme jasap.
Monetalardyń satylymǵa túsetin kúnine qatysty aqparat QUB-tyń resmı saıtynda qosymsha jarıalanady.
BÚRKIT koleksıalyq monetalary týraly
Kóshpendiler búrkitti batyldyq pen qaısarlyqty beıneleıtin qasıetti qus retinde qurmettedi. Búrkittiń qaýyrsynyn kóshpendiler keregege boıtumar retinde ilip qoıǵan.
Nomınaly 5 000 jáne 500 teńgelik kúmisten, sondaı-aq nomınaly 200 jáne 100 teńgelik melhıordan jasalǵan BÚRKIT monetalary «Kóshpendilerdiń ǵıbadat janýarlary – totemderi» serıasyn jalǵastyrady. Monetalardyń dızaıny búrkittiń natýralısik jáne trafarettik beınelerin «saqtardyń ań stılinde» úılestirý arqyly jasalǵan.
Nomınaly 100 teńgelik monetalardyń beınesi
Monetalardyń sıpattamasy:
Monetanyń bet jaǵyndaǵy (aversi) ortalyq bóliginde ulttyq oıý-órnek ishinde Qazaqstan Respýblıkasynyń eltańbasy beınelengen, Qazaqstan moneta saraıynyń taýar belgisi jáne monetalar jasalǵan metaldy, olardyń synamasy men massasyn bildiretin jazý ornalasqan. Aınaldyra – QAZAQSTAN RESPÝBLIKASY jáne REPUBLIC OF KAZAKHSTAN degen jazýy bar.
Eltańbanyń sol jáne oń jaǵynda ulttyq oıý-órnek elementteri ornalasqan. Tómengi jaǵynda – monetanyń nomınalyn bildiretin 100 TEŃGE QAZAQSTAN ULTTYQ BANKI • NATIONAL BANK OF KAZAKHSTAN, monetalardyń joǵarǵy jaǵynda soǵylǵan jylyn bildiretin «2022», tómengi bóliginde monetalardyń nomınalyn bildiretin jazý bar.
Nomınaly 5 000 jáne 500 teńgelik monetalardyń syrtqy jaǵynda (reversinde) – dıametri 2 mm (5 000 teńge) jáne 1 mm (500 teńge) gaýhar tas ornatylǵan búrkittiń natýralısik jáne trafarettik beıneleriniń kompozısıasy, monetalardyń joǵarǵy bóliginde BÚRKIT jazýy kórinis tapqan.
Nomınaly 200 jáne 100 teńgelik monetalarda – búrkittiń natýralısik jáne trafarettik beınesiniń kompozısıasy, monetanyń joǵarǵy bóliginde BURKIT jazýy ornalasqan. Perımetri boıynsha dekoratıvti úlgide bezendirilgen keń jıegi bar.
Koleksıalyq monetalar Qazaqstan Respýblıkasynyń búkil aýmaǵynda óziniń belgilengen qunymen tólemniń barlyq túri boıynsha qabyldanýǵa jatady, sondaı-aq Qazaqstan Respýblıkasynyń barlyq bankinde bank shottaryna esepke alynyp, aýdarylady, usaqtalady jáne aıyrbastalady.
Kúmisten jasalǵan BÚRKIT monetalary memlekettik, orys jáne aǵylshyn tilderinde QUB-tyń nómirli sapa sertıfıkattary bar kádesyı oramynda shyǵarylady.
Koleksıalyq monetalar Qazaqstan teńge saraıynda daıyndaldy.