SMA - julyn bulshyq etteriniń atrofıasy
Alǵash ret Mańǵystaý oblysy kópbeıindi balalar aýrýhanasynda SMA aýrýyna shaldyqqan búldirshinge quny 38 mln turatyn «Spınraza» atty preparat salyndy, dep habarlaıdy Almaty-akshamy.kz.
Balalar aýrýhanasy dırektory Gúljan Ermekbaevanyń aıtýynsha, emdik preparat quny respýblıkalyq búdjetten qarjylandyrylǵan.
SMA - julyn bulshyq etteriniń atrofıasy. Bul - julyn bulshyq etiniń qımyl-qozǵalysqa jaýap beretin bóliginiń álsizdiginen týyndaıtyn sırek kezdesetin týabitti aýrý túri.
M.Ospanov atyndaǵy Batys Qazaqstan medısına ýnıversıteti «Nevrologıa jáne psıhatrıa» kafedrasynyń bólim meńgerýshisi, dosent D.N Aıaǵanov, Mańǵystaý oblystyq kópbeıindi balalar aýrýhanasynyń nevrologıa bóliminiń meńgerýshisi Marıa Aldabergenova jáne atalǵan aýrýhananyń reanımasıa bóliminiń meńgerýshisi Mereke Nurdáýletuly jalpy anestezıa boıynsha ınpratekaldi túrde búldirshinniń julyn-mıyna «Spınraza» atty gendik preparatty ekti.
Dárigerler medısınalyq kórsetkish boıynsha naýqastyń qımyl-qozǵalys deńgeıi jaqsy dep baǵalady. Em-shara asqynýsyz ótken.
Jalpy, atalǵan preparatty naýqasqa 4 márte salý qajet.
Endi 3 qańtar, 20 qańtar jáne aqpan aıaǵynyń sońynda salynady.
Preparatty salmastan buryn dárigerler naýqastyń jaǵdaıyn qadaǵalap, tolyq tekserýden ótkizedi.
Sondaı-aq, «Spınraza» ampýlasynan bólek, SMA aýrýyna shaldyqqan balalarǵa tabletka túrindegi «Rısdıplam» atty dári de taǵaıyndalyp otyr.
Aıta keteıik, búginde Mańǵystaý oblysynda julyn bulshyq et atrofıasy genetıkalyq aýrýyna shaldyqqan 4 bala bar.
Olar árdaıym ata-ananyń jáne dárigerlerdiń baqylaýynda.