2021 jyldyń sanaǵynyń urany – «Qazaqstanda árkim mańyzdy! V Kazahstane kajdyı vajen!».
Ulttyq sanaqty ótkizý úshin Ulttyq statısıka búrosymen bireýi 39 603,2 teńgeden, jalpy somasy 1 085,6 mln teńgege tehnıkalyq erekshelik talaptaryna sáıkes keletin Qytaıda shyǵarylǵan 27 412 dana KOUZONE MTK6592 planshet kompúteri satyp alyndy. Sondaı-aq, qosymsha garnıtýralar – planshet qalamdary, qorǵanysh tysqaby, qorǵanysh shynysy, power bank alyndy.
Planshetterdi ıntervúerler úı-úıdi aralaý kezinde málimetterdi jınaý men tirkeý úshin paıdalanatyn bolady. Bul qyzmetkerlerdiń eńbek shyǵynyn tómendetýge, jınaqtylyǵyn arttyrýǵa jáne qaǵaz ben keńse quraldaryna jumsalatyn shyǵyndy únemdeýge múmkindik beredi. Onymen qosa, sanaq derekteriniń sapasy men naqtylyǵy arttyrylyp, derekter sapasyna adam faktorynyń yqpaly barynsha azaıtylady. Planshet pen arnaıy baǵdarlama arqyly ıntervúer saýalnamany onda ornatylǵan barlyq arıfmetıkalyq jáne logıkalyq baqylaýlarmen qosa, klasıfıkator jáne anyqtamalyqtardy paıdalana otyryp júrgize asyrady. Alynǵan málimetter tikeleı jalpy derekter bazasyna jiberiledi.
Búroda planshetterdiń ary qaraı sanaq aıaqtalǵannan keıin de qoldanysta bolatyndyǵy atap kórsetildi. Olardyń basym bóligi qazaqstandyq mektepterge beriledi. Taǵy bir bóligi Ulttyq statısıka búrosynda aı saıynǵy, toqsandyq, jyldyq salalyq baqylaýlar men zertteýler júrgizý úshin qaldyrylady.
2021 jyldyń Ulttyq sanaǵy 1 qyrkúıekten 30 qazanǵa deıingi aralyqta júrgiziledi. Oǵan onlaın rejıminde de, dástúrli tásilmen de qatysýǵa bolady.