Eldi mekenderge jaqyn ornalasqan qaýipti aımaqtardyń sany 243-ke jetken.
Almaty oblysy TJD baspasóz qyzmeti tartqan habarlamaǵa sáıkes, 24 eldi meken men saıajaı qoǵamyna, sondaı-aq demalys aımaqtaryna jaqyn ornalasqan 194 jolaqty qaýipti ýchaskeler esepke alyndy, eldi mekenderge jaqyn ornalasqan 243 sel basý qaýpi bar ýchaskeler esepke alyndy, dep habarlaıdy Almaty-akshamy.kz.
Almaty oblysynyń aýmaǵynda kóshkinder 6 aýdan men 1 qalanyń (Talǵar, Eńbekshiqazaq, Qarasaı, Raıymbek, Panfılov, Kegen aýdandary men Tekeli qalasynyń) aýmaqtarynda taýly jáne taý bókterindegi aýdandarda taralǵan.
24 eldi meken men saıajaı qoǵamyna, sondaı-aq demalys aımaqtaryna jaqyn ornalasqan 194 jolaqty qaýipti ýchaskeler esepke alyndy, eldi mekenderge jaqyn ornalasqan 243 sel basý qaýpi bar ýchaskeler esepke alyndy.
Aǵymdaǵy jyldyń sáýir aıynan bastap Almaty oblysynyń Tótenshe jaǵdaılar departamenti «Qazseldenqorǵaý» MM- men birlesip, sel basý jáne kóshkin qaýpi bar ýchaskelerde 84 jerústi jáne İle Alataýy taý jotalarynyń qaýipti ýchaskelerine 3 aerovızýaldy tekserý júrgizdi. Ushý barysynda teńiz deńgeıinen 2500 metrden astam bıiktikte ornalasqan taý ózenderiniń, morenalyq kólderdiń jaı-kúıi zertteldi, ózender baseınderi, morenalyq kólder jáne qaýipti ýchaskeler arnalarynyń jaı-kúıi anyqtaldy.
Maýsym aıynda morenalyq kólder sýynyń shekti kólemin anyqtaǵannan keıin, «Qazseldenqorǵaý» MM İle jáne Alataý Jetisý taý jotalaryndaǵy qaýipsiz belgilerine deıin aldyn ala sý jiberý josparlanǵan.
«Qazseldenqorǵaý» MM fılıaldarynyń baqylaý beketteri halyqty jáne sharýashylyq obektilerin sel tasqynynan jáne syrǵyma qubylystarynan saqtandyrý maqsatynda oblystyń TJD ÓQB aqparatty bere otyryp, gıdrometeorologıalyq jaǵdaıǵa kún saıyn monıtorıń júrgizedi. Osy maqsattar úshin 30 jyldan beri táýlik boıy isteıtin stasıonarlyq beketter, 10 dıspecherlik beket jumys isteıdi.
Sel bsý jáne kóshkin qaýpi bar kezeńge daıyndyq maqsatynda:
Jetisý men İle Alataýynyń taý jotalarynda «Qazseldenqorǵaý» MM fılıaldary «Abaılańyz: kóshkin!» (19 qalqan), «Sel» (27 qalqan) degen eskertý belgilerin ornatty.
Aýdandyq TJB qyzmetkerleri «Qazseldenqorǵaý» MM fılıaldarymen birlesip, aýyldaǵy taýly jerlerge jáne kóshkin qaýpi bar ýchaskelerge monıtorıń júrgizý boıynsha is-sharalardy jalǵastyrýda.
Almaty oblysynyń TJD óz baǵytyndaǵy qaýipti jerlerdi zertteýdi suraıdy, ásirese, qatty jańbyrdan keıin.
«Árqashan este saqtańyz, sel aǵynyna túsip ketken adamdy qutqarý derlik múmkin emes, sondyqtan sel aǵynyn boldyrmaý qajet. Sel qaýpi bar kezeńde taýǵa joryq jasaýdan aýlaq bolyńyz. Sizdiń aımaǵyńyzdaǵy kóshkin shekaralary bar, múmkin bolatyn oryndar men shamalardy anyqtańyz. Jaqyndap kele jatqan kóshkinniń belgileri (ǵımarattardyń esikteri men terezelerin synalaý, sý basý) paıda bolǵan kezde, 101, 112 telefon nómirlerin terip, TJ qyzmetine habarlasý qajet. Jańalyqtardy qadaǵalap, radıo tyńdańyz. Kóshkin qaýpi týraly dabyl alǵan kezde, elektr qurylǵylaryn, gaz aspaptaryn jáne sý qubyry jelisin óshirińiz. Dereý evakýasıalaýǵa daıyndalyńyz. Kóshkinniń jyljý jyldamdyǵyna baılanysty qaýipke sáıkes áreket etińiz. Evakýasıa kezinde ózińizben birge qujattar, qundy zattar, jaǵdaıǵa baılanysty jyly zattar men azyq-túlik ónimderin alý qajet», -delingen oblystyq TJD baspasóz qyzmeti tartqan habarlamada.