Ótken aptada Ūlttyq qorǵanys unıversıtetín 145 magıstrant bítíríp, «Jas ūlan» respublıkalyq mektepteríníń 889 túlegíne attestattar tabystaldy.
Qorǵanys mınıstrlígínde ótken apparat keńesínde apta qorytyndylanyp, aldaǵy kezeńderge míndetter júkteldí.
Bas qolbasshylar men qolbasshylar mamandyq boıynsha dayarlyqtyń ótu barysyn bayandady. Qūrlyq áskerlerínde barlyq baǵyttardaǵy mamandar sabaqtar, onyń íshínde desantshy jauyngerlerdíń parashyutpen sekírulerín ótkízude. Taudaǵy Alpí bólímshelerí áskerı qyzmetshíleríníń ís júzíndegí jıyndary men jattyǵulary bastaldy, dep habarlady Almaty-akshamy.kz. QR Qorǵanys mınıstrlígíníń saıtyna sílteme jasap.
Áue qorǵanysy kúshterínde josparly ūshu oqu-jattyǵulary, ūshu qūramynyń parashyuttík dayarlyǵy jáne ÁShQQ áskerleríníń áskerı qyzmetshíleríne tehnıkalardy úıretu júrgízíledí.
Áskerı-teńíz kúshterínde teńízshíler kemeníń materıaldyq bólígín, beríktíkke kúres ís-sharalaryndaǵy jeke ís-qımyl tártíbín pysyqtaıdy. Mamandyq boıynsha daıyndyq kezeńí bıyl 2 shíldede baqylau sabaqtarynyń ótuímen ayaqtalady.
Juyrda Radıoelektronıka jáne baılanys áskerı-ınjenerlík ınstıtutynda, Qūrlyq áskerleríníń Áskerı ınstıtutynda ofıtserler, Shoqan Uálıhanov atyndaǵy Qorǵanys mınıstrlígíníń áskerı kolledjínde serjanttar oquyn bítíríp, olardy bólu josparlanuda.
Keńes barysynda áskerı oqu oryndary túlekteríníń qyzmet ótkeruíne tūraqty monıtorıng júrgízu tapsyryldy. Onyń negízínde qajet bolǵan jaǵdaıda kadrlardy neǵūrlym tıímdí dayarlau úshín oqu úrdísíne túzetuler engízudí júktedí.
«Tsıfrlyq ofıtser» oqu jobasyn íske asyru turaly jeke bayandaldy. Búgíngí tańda ómírdíń barlyq salasy tsıfrlandyrylyp jatqanda, armıyada ofıtserlerdí dayarlauda, olardyń aqparattandyrudyń barlyq aspektílerín, avtomattandyrylǵan basqaru jáne jasaqtama júıelerín meńgeruín eskere otyryp júrgízu kerek. Áskerı oqu oryndarynda būǵan qajettí oqu-ádístemelík baza bar. Būl rett, jas ofıtserlerdíń alǵan bílímderín ís júzíndegí qyzmet barysynda keńínen qoldanuyna nūsqau beríldí.
Órt qauíptí mausymnyń bastaluyna qaraı áskerlerde órtke qarsy qorǵanys sharalaryn kúsheıtu: onyń íshínde obektílerdíń jabdyqtaryn tekseru, tehnıkalyq órt sóndíru qūraldary men kommunıkatsıyalar jaramdylyǵyn qamtamasyz etu, órtke qarsy shtattyq bólímshelerdí daıyndyqqa keltíru jáne shtattan tys órt sóndíru komandalarynyń qūramyn kún saıyn naqtylau. Oq-dárílerdí, JJM, qaru-jaraq pen áskerı tehnıkany, materıaldyq qūraldardy saqtau nysandaryna jítí nazar audaru tapsyryldy.
Semeı, Jańǵyztóbe, Óskemen garnızondaryna jūmys saparynyń nátıjesínde mınıstr áskerı qyzmetshíler men olardyń otbasy músheleríníń, ásírese shalǵaı áskerı bólímder men garnızondardaǵylardyń ómír súruí, tūrmys jaǵdaılaryn taldaudy tapsyrdy. Ómír súruge qolaıly jaǵdaı jasau úshín demalys oryndaryn, kommunıkatsıya qyzmetterín jáne basqa da tírshílíkke qajettí máselelerdí qamtamasyz etudegí keshendí sharalardy qabyldaudy júktedí.
Bas áskerı-medıtsınalyq basqarmasynyń bastyǵy áskerlerdegí epıdemıologıyalyq ahualdy bayandady. Jeke qūramǵa ekpe egu bastaluymen jaǵdaı tūraqtandy. Koronavırus ınfektsıyasyn jūqtyrudyń ílude bír baıqaluy elímízdíń túrlí aımaqtarynan kelgen sarbazdarmen baılanysty.
Josparǵa sáıkes, 15 mausymnan bastap merzímdí qyzmettegí áskerı qyzmetshílerdí zapasqa shyǵaru bastalady. Dástúr boıynsha, kóktemde sarbazdar sáuír-mamyr aılarynda boryshtaryn óteuden bosatyldy. 2020 jyly pandemıya kezínde áskerge shaqyrudyń keıínge qaldyryluyna oraı jauyngerler zapasqa keshteu shyǵaryluda. Osylaısha, barlyq «merzímdí qyzmettegíler», qoldanystaǵy zańnamada belgílengendeı, dál 12 aı qyzmet etedí jáne qyzmet etu merzímí ayaqtalǵannan keıín óz óńírleríne jíberíledí. Áskerı oqytylǵan rezerv retínde olar jergílíktí áskerı basqaru organdaryna esepke alynady.