Zýlfıa BAISAQOVA, Almaty qalasy Qoǵamdyq keńesiniń múshesi, “Daǵdarys ortalyqtarynyń odaǵy” ZTB tóraǵasy:
— Ulttyq quryltaı — qoǵamdaǵy ózekti máseleler men Prezıdent arasyn jalǵaıtyn kópir desem qatelespeımin. Men muny sol quryltaı minberinde memlekettik-áleýmettik tapsyrys krıterıılerin qaıta qaraý jáne zańnamany jetildirý qajettiligi týraly óz pikirimdi bildirgen kezde anyq sezindim. Seksıa otyrysynda qıyn jaǵdaıdan shyǵý joldaryn usyndym. Meniń usynystarym nazardan tys qalmady: olar Prezıdenttiń memlekettik qurylymdarǵa bergen tapsyrmalarynda jalǵasyn tapty.
“Azamattyq sektor reformalardy júrgizý jáne qoǵamdy damytý isinde mańyzdy ról atqarady. Memleket pen ÚEU seriktestigi ózekti máselelerdi sheshýge, jasampaz qundylyqtardy dáripteýge, ulttyń jańa sapasyn qalyptastyrýǵa yqpal etedi. Sondyqtan memlekettik áleýmettik tapsyrystyń tıimdiligin arttyrý úshin qazirgi zamannyń talaptaryna saı keletin jeke zań kerek. Árıne, zań jobasy tereń jáne jan-jaqty saraptamadan ótýge tıis. Quzyrly organdar sarapshylar men qoǵamdyq uıymdardy tarta otyryp, bul máselemen aınalysýy kerek”, — dedi Memleket basshysy.
Demek, Ulttyq quryltaı shyn máninde azamattardyń bastamalary qaralatyn jáne qajet bolǵan jaǵdaıda NQA ózgeristeri, baǵdarlamalardy ázirleý jáne basqa da tetikter arqyly iske asyrylatyn pármendi qural bolyp tabylatynyn rastaıdy.