Prezıdent Qasym-Jomart Toqaevtyń Ulttyq quryltaıda teatrlar, ásirese aımaqtyq teatrlardy damytý qajettigin atap ótýi – óte ózekti ári der kezinde kóterilgen másele dep sanaımyn.
Bizdiń Lermontov atyndaǵy Ulttyq orys drama teatry árdaıym memlekettiń qamqorlyǵyn sezinip keledi. Táýelsizdiktiń alǵashqy jyldary, ekonomıkalyq qıyndyqtar kezeńinde de bıliktiń qoldaýynsyz teatrdyń jumysyn jalǵastyrý – asa kúrdeli mindet bolar edi. Sondyqtan da teatrǵa "Ulttyq" mártebesiniń berilýi biz úshin úlken serpilis boldy. Bul sheshim ártisterimizdiń áleýmettik jaǵdaıyna oń áser etip, laıyqty, básekege qabiletti jalaqy alýlaryna múmkindik berdi.
Sońǵy bir jyldyń ishinde trýppamyzdyń eki jetekshi ártisi "Qazaqstannyń halyq ártisi", bir ártisi "Qazaqstannyń eńbek sińirgen qaıratkeri" ataǵyna ıe boldy. Bul – ujym eńbeginiń ádil baǵalanýy.
Memleket basshylyǵyna kórsetilgen qoldaý úshin alǵysymdy bildire otyryp, bolashaqta, ásirese gastróldik saparlar baǵytynda, bul qoldaý jalǵasyn tabaryna senemin.