Memleket basshysy Qasym-Jomart Toqaev Býrabaıda ótken keshegi Ulttyq quryltaıda kıno bolsyn, múltfılm bolsyn, ekeýi de naǵyz ıdeologıalyq qural ekenin atap ótti.
Biraq aldymen sanǵa emes, sapaǵa kóńil aýdarý kerektigin basa aıtty. Sebebi, zorlyq-zombylyqty, qatygezdik pen qylmysty nasıhattaıtyn fılmder paıda boldy dedi Prezıdent. Sondyqtan osy baǵytta júrgen áriptesterge jaýapkershilik júgi artylyp turǵany anyq.
Memleket basshysy qazaqsha, ulttyq naqyshta túsirilgen múltfılmder kóp bolýy qajet dedi sosyn. Sondaı-aq anımasıany damytý máselesin qolǵa alý kerek ekenin tilge tıek etti. Biz, qyzym - jas rejıser-anımator Marjan Jubanysh ekeýmiz birneshe jyldan beri ulttyq anımasıanyń kósegesi kógerse eken dep tynbaı eńbek etip kelemiz.
Endi memlekettik deńgeıde kóńil bólinetin bolsa, bul jańalyq bizge eki ese shabyt syılaıtyny anyq. Buǵan deıin “Bás”, “Shańyraqtyń ıesin izdep júrmin”, “Balaly úı - bazar”, “Saýǵa”, “Qoshaqan” atty múltfılmderimizdi kishkentaı kórermender jyly qabyldaǵan-dy.
Prezıdent aıtqan ult bolashaǵyna tikeleı yqpal etetin balalar kontentin kóbeıtý jolyndaǵy jumysymyz odan ári kúsh alatyn shyǵar endi dep kóńilimiz aspandap qaldy.
Úmit JUBANYSH, sýretshi-bezendirýshi, Qazaqstan Sýretshiler odaǵy men Kınematografıster odaǵynyń múshesi