Anastasıa Ananeva Hanchjoýda ótip jatqan HİH jazǵy Azıa oıyndarynyń kúmis júldegeri atandy, dep habarlaıdy QR Týrızm jáne sport mınıstrligi Sportty damytý dıreksıasynyń baspasóz qyzmeti.
Qazaq sportshysy slalomdy eskek esýden fınalda tek jarys qojaıyny Szúan Hýanǵa ese jiberdi (107.71). 19 jastaǵy Anastasıanyń kórsetkishi – 119.29. Úzdik úshtikti japonıalyq Harýka Okazakı (119.59) túıindedi.
Ananeva byltyr Taılandtyń Pattaııa qalasynda ótken Azıa chempıonatynda kúmis jáne qola júldege qol jetkizgen.
Qazir Qazaqstan qorjynynda 69 medal boldy. Onyń 9-y altyn, 19-y kúmis, 41-i qola.