Qazaqstandyq oqýshylar Sıngapýrǵa eń aýqymdy ári bedeldi FIRST GLOBAL CHALLENGE robototehnıka olımpıadasyna qatysýda. Bıyl baıqaýǵa álem boıynsha 190-nan astam el qatysýda, dep habarlaıdy almaty-akshamy.kz
«Ulttyq kezeńnen keıingi bir aıdyń ishinde oqýshylar robottaryn qaıta jetildirip, kóptegen fýnksıalaryn jańartty. Biz barsha qazaqstandyqtardy onlaın-translásıany kórýge jáne jańashyl jastardy qoldaýǵa shaqyramyz», - dedi USTEM FOUNDATION qorynyń negizin qalaýshy Nurdáýlet Dosmaǵambet.
Jarys 7, 8, 9 jáne 10 qazan aralyǵynda ótedi, ol úsh kúnge sozylady. Bıylǵy taqyryp sýteginiń otyndyq múmkindigi aıasynda ótedi, oqýshylar ımıtasıalyq oıyn alańynda sýtegi men ottegi atomdaryn suryptaı alatyn robottardy qurastyrýda.
Eske salaıyq, qyrkúıek aıynda elordada ótken jarystyń respýblıkalyq kezeńine Qazaqstannyń túkpir-túkpirinen kelgen 200-den astam bala, sondaı-aq Mońǵolıa men Ózbekstannan kelgen halyqaralyq komandalar qatysqan bolatyn.