Ulttyq qundylyqtar – árbir ulttyń bolmysynda ǵasyrlar boıy atadan balaǵa mıras bolyp kele jatqan adamgershilik qaǵıdattary. Ǵasyrdan - ǵasyrǵa jetken halyqtyń qazynasy – tili, dini, salt-dástúri, ádebıeti men óneri ultymyzdyń rýhanı baılyǵy.
Bizdiń ata-balarymyz bala tárbıesine óte kóp kóńil bólgen. Qazaq halqynyń ulttyq tárbıesi - álemde teńdesi joq tárbıe desek artyq aıtqandyq emes. Balanyń jastaıynan ulttyq qundylyqtardy dáripteýiniń, elimizdi, týǵan jerimizdi, dinimiz ben tilimizdi qurmetteýiniń negizi osy ulttyq tárbıeniń negizinde jatyr. Otanyn súıetin patrıot, joǵary adamgershilik ıesi, ulttyq rýhy bıik parasatty azamat tárbıeleý úshin ulttyq qundylyqtarymyzdy basshylyqqa alý qajet. Onyń mańyzdylyǵy men qajettiligi zor. Biz úshin elimizdiń órkendeýi, ulttyq ereksheligimiz ben ulttyq qundylyqtarymyzdy saqtaý – qymbat qazyna.
Osy ulttyq tárbıeni balalardyń boıyna sińirý maqsatynda Maǵjan Jumabaev atyndaǵy №137 jalpy bilim beretin mekteptiń ustazdarynyń, ata-analarynyń atqaryp jatqan jumysy men tárbıege qosyp jatqan úlesi óte kóp. Balalardyń ulttyq sanasynyń qalyptasýynda árbir júrgiziletin is-sharalardyń alatyn orny erekshe. Mektebimizde júrgizilip otyratyn tárbıelik máni zor is-sharalar osynyń dáleli desek bolady.
Atap aıtatyn bolsaq, búgingi ótkizilip otyrǵan, «Ulttyq qundylyqtar - tárbıeniń túp qazyǵy» atty ádebı - sazdy keshimiz osyǵan naqty dálel bola alady. Árıne, halqymyzdyń ulttyq qundylyqtary óte kóp. Búgingi keshte olardy iriktep, birneshe bólikke bólip qarastyrdyq.
Eń birinshi kezekte, árıne, qundylyqty sóz etkende – táýelsizdik jáne tarıhı tanymynan bastap, Táýelsizdiktiń arqasynda, qazaq elin, Qazaqstan halqyn álem tanyp moıyndaǵany sóz etildi. Tarıh – tárbıeshi, ulttyń baǵdary, jol silteýshisi. Tarıhy bekem jasalǵan halyq durys baǵyt alady. Biregeı kóp tomdyq memlekettik tarıhymyzdy ózimiz jazbaı ulttyq qundylyqtarymyzdy ornyqtyra almaımyz.
Kelesi kezekte el men jer, ulttyq rýh, til, ádebıet jáne rýhanıat, qolóner, ulttyq mádenıet, ulttyq dástúr, otbasylyq tárbıe týraly aıtylyp, mektep oqýshylary óz ónerlerimen kópshilikti tánti etti.
Qoryta aıtqanda, qazirgi zamanda básekege qabiletti elderdiń qataryna qosylý úshin, aldymen, ózimizdiń ata-babamyzdan qalǵan salt-dástúrdi, mádenıetimizdi saqtaı otyryp, keleshek urpaqty sol arqyly rýhanı adamgershilikke tárbıeleýimiz kerek. Salaýatty da sanaly urpaq qamyn oılar bolsaq, sol qoǵam ıelerin jan-jaqty, aqyl parasaty mol, izetti, kishipeıil, mádenıetti azamat etip tárbıeleý – ustazdyń, árbir ata-ananyń qoǵam aldyndaǵy boryshy dep bilemiz.
Ulttyq Qundylyqtar: Tárbıeniń Túp Qazyǵy - esse shyǵarma