Almatyda komýnaldyq qyzmetterdiń táýlik boıy kezekshiligi uıymdastyryldy
12 aqpanda saǵat 07:10-nan bastap Almatyda qar aralas jańbyr jaýa bastady, ol kúni boıy arasynda úzilistermen jaýady dep boljanýda jáne qar 13 aqpan kúni túske deıin jaýatyn bolady, dep habarlaıdy almaty-akshamy.kz Almaty qalasynyń komýnaldyq ınfraqurylymdy damytý basqarmasy
Túngi kezeńde 487 birlik arnaıy tehnıka, onyń ishinde 172 qum taratqyshtyń jáne 286 jol jumysshysynyń kezekshiligi uıymdastyryldy. Trotýarlardy, jalpy paıdalaný oryndaryn, áleýmettik mańyzy bar obektilerge qardan tazartý úshin 176 birlik shaǵyn gabarıtti trotýar jınaý tehnıkasy tartyldy.
Saǵat 08.00-den basta kúsheıtilgen 528 tehnıka birligi jáne 1180 jol jumysshysy qardy tazartýmen aınalysýda. Aýdan ákimdikterinde qar tazalaý jumystaryn baqylaý boıynsha táýlik boıy kezekshilik uıymdastyrylǵan.
Aýa-raıynyń nasharlaýyna baılanysty júrgizýshiler men jaıaý júrginshilerdiń nazaryn joldardaǵy jaǵdaıǵa jiti nazar aýdarýdy suraımyz. Júrgizýshiler qaýipsiz jyldamdyq rejımin saqtaýy, avtomobılder arasyndaǵy qashyqtyqty jáne búıirlik aralyqty qaýipsiz qashyqtyqta ustaýy kerek, jolda manevr jasaǵanda abaı boǵan jón.
Sondaı-aq, júrgizýshilerden qar tazalaý tehnıkasynyń jumysyna kedergi keltirmeý úshin avtokólikterdi tek belgilengen oryndarǵa qoıýdy suraımyz.
Esterińizge sala keteıik, joldardy, trotýarlardy jáne qoǵamdyq oryndardy sapasyz tazalaý jaǵdaıynda Whats App +7 (706) 689 8898 boıynsha jazýǵa bolady.