Tólenetin kezde sol kúngi kýrspen teńgege aýdarylady.
Ulttyq qordan 18 jasqa tolǵan balaǵa túsetin aqshanyń kólemi jarıalandy, dep habarlaıdy Almaty-akshamy.kz
Ulttyq bank tóraǵasynyń orynbasary Aqyljan Baımaǵambetov 18 jasqa tolǵan balanyń esepshotynda qansha aqsha jınalatynyn aıtty.
Kelesi jyldan bastap Qazaqstanda "Ulttyq qor – balalarǵa" jobasy iske qosylady. Sonyń aıasynda Ulttyq qordyń jyldyq ınvestısıalyq kirisiniń 50 paıyzy balalar 18 jasqa tolǵanǵa deıin olardyń arnaıy esepshotyna aýdarylady. Ulttyq bank tóraǵasynyń orynbasary Aqyljan Baımaǵambetovtyń aıtýynsha, qazirgi kezde jyldyq ınvestısıalyq tabystyń ortasha mólsheri 5-6 prosentti quraıdy.
"Bıyl jarty jyldyń ishinde kiris shamamen 5 prosentten asyp tur. Sonyń arqasynda shyǵynnyń bir bóligi óteldi. Aldaǵy ýaqytta osy oń dınamıka saqtalady dep senemin. Bizdiń esebimiz boıynsha balalardyń esepshotynda 18 jasqa deıin 3,5 myń dollar (qazirgi kýrspen 1 668 730 teńge) jınalady", - dedi Baımaǵambetov senattyń búgingi otyrysynda.
Esepshottaǵy aqsha dollarmen jınaqtalady. Sebebi ulttyq bank ony bala 18 jasqa deıin tolǵansha ınvestısıalap otyrady. Al tólenetin kezde sol kúngi kýrspen teńgege aýdarylady.