2023 jylǵy 10 qazannan bastap Almaty ákimdiginiń qalada túrli qurylys-jóndeý jumystaryn júrgizý kezinde nóser kárizin retteý qajettiligi týraly qaýlysy kúshine endi, dep habarlaıdy Almaty-akshamy.kz
«Qalalyq mobıldilik, energetıka jáne sýmen jabdyqtaý, ekologıa jáne qorshaǵan orta, josparlaý jáne ýrbanıstıka, qurylys basqarmalary men Almaty qalasy aýdandary ákimderiniń apparattary Qazaqstan Respýblıkasynyń zańnamasynda belgilengen tártippen kóshe-jol jelisin salý, rekonstrýksıalaý, kúrdeli jáne ortasha jóndeý jónindegi jumystardy júrgizý kezinde ınjenerlik komýnıkasıalardy salýdan, rekonstrýksıalaýdan jáne jóndeýden keıin qalpyna keltirý jumystary kezinde nóser kárizderin retteıtin bolady», - delingen qaýlyda.
Sondaı - aq, qala basshysy ınjenerlik komýnıkasıalardy salǵannan, qaıta jańartqannan jáne jóndegennen keıin joldyń asfáltbeton jabynyn qalpyna keltirý kezinde jol tańbasynyń tıisti jelilerin qoldanýdy qarastyrýdy tapsyrdy.
Almatydaǵy aryq jelisiniń uzyndyǵy 1525 km quraıdy, onyń 1208 km nóser kárizi retinde paıdalanylady. «Almaty qalasynda aryq jelileri men nóser kárizderin salý jáne rekonstrýksıalaý» jobasy aıasynda 2024 jyldyń sońyna deıin 376 km aryq jelisin salý josparlanýda, onyń ishinde aǵymdaǵy jyly 80,1 km salyndy.
Eske salsaq, birneshe jyl buryn Almatyda kolektorlyq-drenaj júıesi is júzinde bolmaǵan, qalanyń aýdandaryn josparlaý kezinde bul máselege buryn tıisti kóńil bólinbegen. Qolda bar kolektorlar uzaq jyldar boıy ıesiz boldy, olardy tunbadan tazartý, aǵymdaǵy jóndeý, rekonstrýksıalaý, aryq jelilerin qosý jumystary júrgizilmedi. Qoldanystaǵy aryq jelisi bekitilmegen, sý burý kolektorlarymen baılanysy joq. Bul jańbyr men erigen sýdyń durys aǵyp ketýine kedergi keltiredi jáne sý basýdyń negizgi faktoryna aınalady.
Qalada sý basý máselelerin sheshý úshin Almaty ákiminiń tapsyrmasy boıynsha jańa aryq jelilerin salýdy jáne nóser júıesiniń kolektorlaryn jóndeýdi qamtıtyn keshendi sharalar qabyldanýda.
Nóser kárizi nemese jańbyr kárizi dep atalady, bul jańbyr men erigen sýdy qala aýmaǵynan tys jerlerge aǵyzyp jiberýgen arnalǵan kúrdeli ınjenerlik júıe. Jańbyr sýyna kolektorlar, jańbyr naýalary, arnalar, sý qoımalary jáne t.b. kiredi.