Esirtkini asqazanda saqtaǵandar ustaldy.
Ulttyq qaýipsizdik komıteti «jutqyshtar» dep atalatyndardyń Qazaqstanǵa esirtki jetkizý kontrabandalyq arnasynyń jolyn kest, dep habarlaıdy Almaty-akshamy.kz UQK-niń baspasóz qyzmetine silteme jasap.
«2024 jylǵy 24 qańtarda Aqtaý qalasynyń halyqaralyq áýejaıynda UQK Mańǵystaý oblysy boıynsha departamentiniń jedel qyzmetkerleri men shekarashylar esirtki tasymaldady degen kúdikpen eki sheteldik azamatty ustady.
Osy jolaýshylardyń ish qýysyna rentgenoskopıalyq zertteý bógde zattardyń bar ekenin kórsetti. Arnaıy medısınalyq tásildermen sheteldikterdiń asqazandarynan apıyn tobynyń esirtkisinen turatyn 295 konteıner shyǵaryldy.
Alynǵan zattardyń jalpy salmaǵy 2 kg-dan artyq. Sot sheshimimen fıgýranttarǵa qamaýda ustaý túrindegi bultartpaý sharasy tańdaldy. Qylmystyq kodekstiń 286-baby 4-bóligi boıynsha sotqa deıingi tergep-tekserý júrgizilýde. Ózge aqparat QR Qylmystyq-prosestik kodeksiniń 201-baby 1-bóligine sáıkes jarıalanbaıtyny» jazylǵan habarlamada.