Erbolat Dosaev laı kóshkini saldarynan qaza tapqandardyń týystary men jaqyndaryna kóńil aıtty jáne olardy jerleýdi uıymdastyrýǵa kómek kórsetýdi tapsyrdy, dep habarlaıdy almaty-akshamy.kz
Tehnogendik sıpattaǵy laı kóshkini saldarynan qıraǵan úı astynan1984 jylǵy er adamnyń, 1980 jylǵy áıeldiń jáne 2007 jylǵy egiz jasóspirimderdiń deneleri tabyldy.
«Qutqarý qyzmeti Medeý aýdanyndaǵy qıraǵan úıde turǵan otbasy múshelerin izdeýdi aıaqtady. Qaıǵyly oqıǵa 4 adamnyń ómirin qıdy. Men qaza bolǵandardyń týystary men jaqyndarynyń qaıǵysyna ortaqpyn. Olarǵa qatty qaıǵyryp, kóńil aıtamyn», - dedi Erbolat Dosaev.
Almaty ákiminiń tapsyrmasy boıynsha otbasynyń barlyq múshelerin jerleýdi uıymdastyrý úshin kómek kórsetiledi. Stýdent bolyp tabylatyn jáne qazirgi ýaqytta elden tys jerde oqıtyn qaza bolǵan otbasynyń úlken ulyna bilim alýǵa jáne elimizge kelgen soń ómir súrýine materıaldyq qoldaý kórsetiletin bolady.