QR İshki ister mınıstriniń orynbasary Igor Lepeha qyz zorlady degen kúdikpen qamaýǵa alynǵan Taldyqorǵan polısıa basqarmasynyń bastyǵyna qatysty qozǵalǵan is boıynsha pikir bildirdi.
Búgin Senatta tilshiler mınıstrdiń orynbasarynan osy isti tergeý barysy jaıynda surady, dep habarlaıdy Almaty-akshamy.kz.
«İstiń qaı satyda ekenin aıta almaımyn. Tergeý júrip jatyr, materıal sotqa jiberilgen kezde jarıalanady», - dedi I. Lepeha.
Sonymen qatar ol osy oqıǵadan keıin mınıstrlik qurylymynda qandaı shara qabyldanǵanyn aıtty.
«Osy máseleni vedomstvonyń alqa májilisinde qarap, jeke qurammen jáne polısıa departamentteri ókilderimen kezdestik. Jeke quram arasynda tártipti kúsheıtý sharalary únemi qoldanylyp keledi. Sonyń biri – attestasıa. Jeke qurammen jumys isteýge birinshi kezekte jaýapty orta býyn basshylaryn tekserip, attestasıadan ótkizip, talapqa saı kelmeıtinderin shyǵaramyz. Eger polıseıler zańsyz áreketterge baryp jatsa, onda ózindik qaýipsizdik qyzmeti men kadrlyq bólimsheler qyzmetkerleri osy adamdardy erterek anyqtamaǵyn úshin jaýap beredi», - dedi mınıstrdiń orynbasary.