«Ulttyq kitap kúni» merekesi aıasynda ótetin is-sharalardyń aptalyǵy bastaldy.
Qazaqstan Respýblıkasynyń Mádenıet jáne aqparat mınıstrliginiń qoldaýymen QR Ulttyq akademıalyq kitaphanasynda «Ult jáne ulttyq kitap» atty ashyq esik kúni ótti, dep habarlaıdy aqshamnews.kz.
İs-sharanyń maqsaty – qalamger, kitap jáne oqyrman arasyndaǵy baılanysty nyǵaıtyp, mádenı-rýhanı qundylyqtardy qoǵamǵa jan-jaqty nasıhattaý, ıntellektýaldy jastardy yntalandyrý.
Ashyq esik kúni aıasynda kitaphanadaǵy jańartylǵan kovorkıng ortalyǵynyń saltanatty ashylýy ótti. Zamanaýı formattaǵy bul keńistik oqyrmandardyń birlesip jumys isteýine, pikir almasýyna, bilimin jetildirýine múmkindik beredi.
Sondaı-aq «Kitap – ulttyq qundylyq» atty dóńgelek ústel uıymdastyrylyp, otandyq ádebıetti qoldaýǵa baǵyttalǵan táýelsiz joba — Mecenat.kz ádebı syılyǵy tanystyryldy. Dóńgelek ústelde Estonıa Elshisi Iaap Ora, aqyn-dramatýrg Baıanǵalı Álimjanov, profesor Ásıma Ishanova, jazýshy Nartaı Saýdanbekuly, synshy Amangeldi Keńshilikuly jáne basqa da zıaly qaýym ókilderi sóz sóılep, ádebı shyǵarmalar arqyly ulttyq ádebıetke qoldaý kórsetýdiń mańyzyn atap ótti.
Sonymen qatar is-shara aıasynda QR Memlekettik syılyǵynyń laýreaty Roza Muqanovanyń «Kitap – aqyl nury» atty sheberlik sabaǵy, «Aınadan/Zazerkale» sýret kórmesi jáne mektep oqýshylaryna arnalǵan «Ozyq oı alańy» atty book quiz uıymdastyrylyp, jýrnalıs Mánshúk Shymyrbaıdyń «Dana. The World Citizen» derekti fılmi kórsetildi.
«Ulttyq kitap» kúnine oraı elimizdiń barlyq óńirinde ashyq esik kúnderi, kitap festıválderi, kórme-jármeńkeler, baspagerler jáne kitap dúkenderimen birlesken jobalar uıymdastyryldy. Bul aksıalarǵa respýblıka boıynsha 25 000-ǵa jýyq adam qatysty.
Esterińizge sala keteıik, 23 sáýir - Ulttyq kitap kúni
Ol ótken jyly Úkimet Qaýlysymen bekitildi.
Atalmysh mereke Memleket basshysynyń qoǵamda oqý mádenıetin qalyptastyrý maqsatynda úshinshi Ulttyq quryltaıdyń negizgi sesıasynda bergen tapsyrmasyna baılanysty belgilendi.
Qaýly 2024 jylǵy 16 shildeden bastap qoldanysqa engizildi.