Almatyda demalys kúnderi jármeńkelerde satyp alynatyn azyq-túlik taýarlarynyń kólemi 880 tonnaǵa jetti. Satylymnyń 10%-ǵa ósýi jańa ónim assortımentiniń keńeıýimen, kóktemniń jyly kezeńiniń bastalýymen jáne halyq arasynda jármeńkelerdiń tanymaldylyǵynyń artýymen baılanysty.
Jármeńkelerge apta saıyn 45000-nan astam adam qatysady. Ónimdi Almaty men Almaty oblysynan 300-den astam aýyl sharýashylyǵy óndirýshileri men fermerleri usynady.
Satylymda jańa soıylǵan mal eti, jumyrtqa, kókónister, jemister, ashytylǵan sút ónimderi, shujyqtar, bal jáne basqa da taýarlar bar. Jalpy taýar túri 1000 ataýdan asady.
Jármeńke uıymdastyrýshysy «Almaty» ÁKK» AQ bolyp tabylady. Baǵany turaqtandyrý jónindegi sharalar sheńberinde áleýmettik mańyzy bar ónimder naryqtyq qunnan 15-20% - ǵa tómen satylady.
Jármeńkeler ár senbi jáne jeksenbi kúnderi saǵat 09.00-den 18.00-ge deıin myna meken-jaılarda ótedi:
· Almaly aýdany - Masanchı kóshesi (Áıteke bı kóshesi men Gogol kóshesi arasy);
· Áýezov aýdany - Ótegen batyr kóshesi (Abaı dańǵylynan tómen);
· Bostandyq aýdany - Qazaqfılm y/a. (Ál-Farabı dańǵylynan joǵary);
· Medeý aýdany - Meńdiqulov býlvary-Bekturov kóshesi.