Ulttyq kitap kúnine oraı Almatyda respýblıkalyq jastar konventi ótti. İs-sharany Almaty kitaphanalary «Ǵylym ordasy» jáne Qazaqstan Respýblıkasynyń Ulttyq kitaphanasynyń qoldaýymen uıymdastyrdy.
Konvent aıasynda elimizdiń ár óńirinen kelgen 42 jas maman bastamalaryn usynyp, kitaphana salasyndaǵy zamanaýı syn-qaterler men bolashaǵyn talqylady.
İs-sharanyń mańyzdy bóliginiń biri – óńirlik kitaphanashylarǵa arnalǵan praktıkým boldy. Ony A.P. Chehov atyndaǵy Ortalyq qalalyq kitaphana, S. Begalın atyndaǵy balalar kitaphanasy jáne «Ǵylym ordasy» mamandary júrgizdi. Qatysýshylar avtomattandyrylǵan kitaphanalyq aqparattyq júıemen (AQAJ) jumys isteýdi úırenip, kitap qoryn sıfrlandyrý úderisimen tanysty, sondaı-aq, baspa ónimderin qalpyna keltirý tehnologıasyn meńgerdi. Bul tájirıbe Almaty kitaphanalarynyń sátti jańǵyrtylý úlgisi retinde basqa óńirlerge de taralýy múmkin.
İs-shara sońynda ózin-ózi basqarý júıesimen jumys isteıtin avtonomdy kitaphana tanystyryldy. Bul dástúrli kitaphana qyzmetine degen kózqarasty ózgertetin ınovasıalyq format.