Almatyda analar men balalar densaýlyǵyna arnalǵan halyqaralyq konferensıa ótti.
Almatyda «Salaýatty urpaq – Qazaqstan bolashaǵy» atty III Halyqaralyq ǵylymı-praktıkalyq konferensıa ótti. İs-shara aıasynda álemdik deńgeıdegi Live-surgery sheberlik sabaqtary uıymdastyrylyp, 15 joǵary tehnologıalyq operasıa tikeleı efırde kórsetildi, dep habarlaıdy aqshamnews.kz.
DSM málimetinshe, forým jumysyna Almaty qalasy ákiminiń orynbasary Ásem Núsipova men QR Densaýlyq saqtaý mınıstrliginiń ókilderi qatysty. Shara barysynda alǵash ret elimizde fetaldyq hırýrgıa men “Bir kúndik klınıka” jobasy tanystyryldy.
Perınatologıa jáne balalar kardıohırýrgıasy ortalyǵynyń bazasynda ótken konferensıaǵa Qazaqstan, Reseı, Úndistan, Italıa, Qytaı, Izraıl syndy elderden 600-den astam medısına mamany qatysty. Olar sırek kezdesetin patologıalardy emdeýdegi jańa tásildermen tanysyp, tájirıbe almasty.
Konferensıada jetekshi sarapshylar akýsherlik, pedıatrıa, genetıka jáne reprodýktologıa salalaryndaǵy zamanaýı jetistikter jaıly baıandama jasady. Shara medısınalyq bilim almasýdyń mańyzdy alańy bolyp, Qazaqstandaǵy ana men bala densaýlyǵy salasyndaǵy ilgerileýdi kórsetti.