Qurmanbek Jumaǵalı ulttyq kınony qoldaý memlekettik ortalyǵynyń basqarma tóraǵasy qyzmetine taǵaıyndaldy, dep habarlaıdy almaty-akshamy.kz
Qurmanbek Jumaǵalı «Ulttyq kınony qoldaý memlekettik ortalyǵy» KEAQ Basqarma Tóraǵasy qyzmetine taǵaıyndaldy. Mádenıet jáne sport mınıstri Asqat Oralov ujymǵa jańa basshyny tanystyrdy. Esetjan Qosýbaev atqarǵan qyzmetinen bosatyldy.
Qurmanbek Jumaǵalıdiń mass-medıa jáne telemenedjment salasynda 10 jylǵa jýyq tájirıbesi bar. Eńbek jolyn «Qazaqstan» telearnasynda redaktor bolyp bastaǵan, «Habar» agenttiginiń jetekshi redaktory, tilshisi. 2013-2018 jyldary Qurmanbek Jumaǵalı Qaraǵandy oblysy ákimdiginiń baspasóz qyzmetiniń basshysy jáne Mańǵystaý oblysy ishki saıasat basqarmasynyń basshysy bolǵan. 2018-2019 jyldary «Qazaq radıolary» JSHS basqardy,««Qazaqstan» RTRK» AQ Basqarma tóraǵasynyń birinshi orynbasary boldy. Osy ýaqytqa deıin «31» medıaholdınginiń bas dırektory bolyp eńbek etken.
Ulttyq kınony qoldaý jónindegi memlekettik ortalyq 2019 jyly kınematografıany damytýǵa memlekettik qarajatty bólý jáne basqa elderdiń úlgisi boıynsha jeke kınokompanıalardy qoldaý úshin qurylǵan. Kınoortalyqta 2019-2022 jyldar aralyǵynda «Dos-Muqasan» lentasyn qosa alǵanda, 14 fılm prokatqa shyǵarylyp, olar jalpy prokattan 503,2 mln teńge jınady. «Paralımpıadashy», «Sqema», «Aǵaıyndylar» jáne «Mergen» sıaqty kartınalar halyqaralyq kınofestıvalderdiń júldelerine ıe boldy.
Ótken jyly Ulttyq fılmder shyǵarýǵa bólinetin qarajatty bólýdiń jańa tásili belgilendi: 70% tarıhı, patrıottyq jáne ımıjdik; 30% — jeke kınojobalardy, onyń ishinde debúttik jobalardy birlesip qarjylandyrý. Sonymen qatar, memlekettik qarjylyq qoldaý alý úshin kınematografıalyq qyzmet sýbektileri men talaptarynyń aýqymy keńeıtildi.
Sondaı-aq, shet tilindegi fılmderdi qazaq tiline dýblájdaý MKQO arqyly júzege asyrylady. 2022 jyly «Avatar» fılminiń birinshi bólimi (2009 jylǵy re-relız), «Qara Qabylan. Vakanda jasasyn. Sý joly» jáne «Avatar» fılmderi qazaq tiline aýdarylǵan kınotaspalar arasynda kasalyq jıyn boıynsha rekord ornatty.