Eldegi saıası naýqanǵa almatylyqtar belsendi ári kóterińki kóńil-kúımen atsalysýda. Tipti, keıbir daýys berýshiler kıim úlgisimen de erekshelendi, - dep habarlaıdy almaty-akshamy.kz
Qyzyl beshpeti anadaıdan kózge túsken arýǵa jaqyndap jón suradyq. Ózin Araı Qasymbaeva dep tanystyrǵan qala turǵyny Almaty qalalyq bilim berýdegi jańa tehnologıalardyń ádistemelik ortalyǵynda qyzmet atqarady eken. Daýys berýge otbasymen kelipti.
«Turǵylyqty jerimiz boıynsha №75 saılaý ýchaskesine tirkelgen ekenbiz. Azamattyq kózqarasymyzdy tanytýdy paryzymyz dep otbasymyzben daýys berýge keldik. Ulym Serjan bıyl 18-ge toldy. Alǵash ret daýys bermek. Búgingi kún Naýryz merekesimen tuspa-tus kelgendikten, osylaısha ulttyq naqyshtaǵy kıim úlgisimen kelgendi jón sanadym. Búgin búkil el úshin mańyzdy qadam jasaıtyn kún. Sondyqtan barlyǵymyz elim, jerim deıtin kandıdatqa daýys berdik dep esepteımiz. Biz ádiletti Qazaqstannyń bolashaǵyna senemiz!», – deıdi Araı Imanbekqyzy.