Akter, Qazaqstannyń eńbek sińirgen qaıratkeri, Daryn memlekettik syılyǵynyń laýreaty Bekjan Turys óz tańdaýyn jasady, dep habarlaıdy Almaty-akshamy.kz.
Ol daýys berýge kelgenderdiń basym kópshiligi jastar ekendigi qýantady deıdi.
«Májilis pen máslıhat depýtattyǵyna kezekten tys saılaýda shet qalmaı daýys berdim. Búgingideı saıası naýqannan qalyp ketpeı óz tańdaýymyzdy jasaý árbir qazaqstandyqtyń mindeti. Degenmen, saılaýǵa beıjaı qaraıtyn azamattar ózderi bekitilgen ýchaskege kelip daýys bermeıdi de, sońynan saılaý ádil ótpedi dep shaǵymdanyp jatady. Sondaı keleńsiz jaıttar oryn almas úshin árbir azamat óz daýysyn urlatpaýy tıis. Ádiletti qazaqstandy ornatýdy maqsat etsek, ózimizden bastaýmyz qajet. Depýtattyqqa úmitker bolyp otyrǵan azamattardyń basym kópshiligi jastar ekendigi qýantady. Elimizdiń órkendeýine súbeli úles qosatyn azamattarymyz saılaýda jeńip shyǵýyna tilektespiz», - deıdi Bekjan Turys.