Jańa formattaǵy mektepterge barlyq jıhaz qazaqstandyq taýar óndirýshilerden satyp alynady.
QR Úkimeti «Jaıly mektep» ulttyq jobasyna otandyq jıhaz jáne árleý materıaldaryn óndirýshilerdiń qatysýyn arttyrýdy kózdeıtin ózgerister men tolyqtyrýlar engizdi, dep habarlaıdy Almaty-akshamy.kz Úkimettiń resmı resýrsyna silteme jasap.
Sondaı-aq syrtqy qasbetterdi árleýde qoldanylatyn materıaldardyń basym bóligi otandyq óndiristiń taýarlary bolmaq.
Kásipkerlerdi qoldaýdyń qosymsha sharasy retinde uzaq merzimdi jetkizýdi josparlaýǵa jáne tıimdi sharttarmen jobany qarjylandyrýǵa múmkindik beretin aldyn ala kelisimsharttardy qoldaný qarastyrylǵan.
Oqý-aǵartý mınıstrligi jergilikti atqarýshy organdarmen birlesip, salynyp jatqan mektepterdi jabdyqtaý úshin jıhazdar men qural-jabdyqtarǵa qajetti barlyq tehnıkalyq sharttardy anyqtaǵan.
QR Úkimeti qabyldaǵan ózgeristerdi sapaly iske asyrý úshin elishilik qundylyq úlesiniń kórsetkishterine monıtorıń júrgiziledi.
«Jaıly mektep» ulttyq jobasy Memleket basshysy Qasym-Jomart Toqaevtyń tapsyrmasymen júzege asyrylýda.
Joba aıasynda 740 myń oryndyq 369 mektep ashý josparlanǵan. Bul óz kezeginde apatty jaǵdaıdaǵy jáne úsh aýysymdy mektepter máselelerin sheshedi.