Almatylyq dáriger qant dıabetine ákep soqtyratyn faktorlar týraly aıtty
Dárigerge ýaqytyly qaralyp emdelmegen aýrýdyń bári qaýipti. Onyń ishinde qant dıabeti de bar. Jylda 14 qarashada Dúnıejúzilik qant dıabetimen kúres kúni atalyp ótedi. Osy oraıda №7 qalalyq klınıkalyq aýrýhana emhanasynyń endokrınolog-dárigeri Aıdana Joldasova ne deıdi?
Qant dıabeti – bul ınsýlın gormonynyń jetkiliksizidigimen, sondaı-aq barlyq zat almasýdyń buzylýymen sıpattalatyn zat almasý aýrýshańdyǵy. Qant dıabetine ákep soqtyratyn faktorlar: deneniń artyq salmaǵy (semizdik), ásirese, abdomınaldy semizdik (er adamnyń beliniń kólemi 102 sm jáne odan da joǵary; áıel beliniń kólemi 88 sm jáne odan da joǵary bolýy); arterıaldyq gıpertonıa (qan qysymy 140/90 mm.rt.st. jáne odan joǵary); jaqyn týystarda (ana, áke, aǵa, ápkede) qant dıabetiniń bolýy; fızıkalyq belsendiliktiń tómendigi; qandaǵy «myqty» holesterınniń tómengi deńgeıi (LPVP 0,9 mmol/l-den kem) jáne trıglıserıdtiń joǵary deńgeıi (2,82 mmol/l jáne odan joǵary); júktilik kezindegi qandaǵy qanttyń joǵary deńgeıde bolýy, balanyń 4 kg-dan artyq týylýy.
Al qant dıabetiniń sımptomdary: únemi shóldeý, aýyzdyń qurǵap ketýi; neseptiń jıi shyǵýy; qatty sharshaý, álsizdik; salmaq joǵaltý, keıde tábettiń kóterilýi; er adamdaǵy ereksıanyń tómendeýi; qabynýshylyq úrdister, teridegi tyrnaq izi, tez jazylmaıtyn jaralar, tyrtyqtar.
Eger sizde osy qaýipti faktorlardyń bireýi nemese birnesheýi baıqalsa, glúkozaǵa qan tapsyrǵanyńyz durys.
Dıabetti ýaqytynda anyqtamaý nemese emdelmeýdiń sońy jaqsy bolmaıdy. Atap aıtqanda, júrek-tamyr júıesi zaqymdanady (mıokard ınfarkti jáne mı ınsýlty); kórý qabileti tómendeıdi (soqyrlyqqa deıin aparýy múmkin); búırek jetkiliksizdigi; júıke júıesiniń zaqymdanýy; gangrena, aıaqty kesý.
Eger dıabet aldyndaǵy belgiler paıda bolsa nemese osy dıagnoz naqty qoıylǵan jaǵdaıda: qandaǵy glúkozanyń deńgeıin únemi baqylap otyrý (onyń ishinde glúkomettiń kómegimen óz betińizshe); qant jáne maıdy tutynýdy shekteý; dárigerińiz usynǵan dárilerdi ýaqytyly iship júrý qajet.
Kerek keńes
EMDEÝ ÁDİSTERİ
2 tıptegi QD – uzaq jáne tabandy terapıany talap etetin aýrý:
– preparattardy qabyldaý;
– dıeta;
– ómir saltyn ózgertý.
2 tıptegi qant dıabetin tıimdi emdeý tek qant dıabetiniń ózimen ǵana emes, sonymen qatar ilespeli aýrýlarmen kúresti bildiredi, olar: semizdik; gıpertonıa; angıopatıa; neıropatıa; depressıa.