Monetalar blısterde shyǵarylady.
Aqparatqa sáıkes, altyn ınvestısıalyq monetalardy kez kelgen ýaqytta jáne álemniń kez kelgen núktesinen online satyp alýǵa jáne satýǵa bolady, dep habarlaıdy aqshamnews.kz
Qazaqstan Ulttyq banki ulttyq valúta – teńge kúniniń qurmetine oraı 2025 jyldyń I toqsanynda jańa «Sıfrlyq ınvestısıalyq moneta» jobasyn iske qosý jospary bar ekenin málimdedi.
«Sıfrlyq balamadaǵy ınvestısıalyq monetanyń quny LBMA (London baǵaly metaldar naryǵyna qatysýshylardyń qaýymdastyǵy) belgilegen altynnyń salmaǵy men baǵasyna saı jáne Ulttyq bank belgilegen AQSH dollarynyń teńgege shaqqandaǵy aıyrbas baǵamy negizinde teńgemen esepteletin bolady», – delingen Bank habarlamasynda.
Aıta ketsek, monetalar Astana International Exchange (AIX) bırjasynyń «TABYS» mobıldi qosymshasy arqyly satylady.
«Sıfrlyq ınvestısıalyq moneta» jobasy aıasynda monetalardy satyp alýǵa, Ulttyq bankke keri satýǵa, syılaýǵa, sondaı-aq olardyń jetkilikti sany jınaqtalǵan kezde Ulttyq banktiń aýmaqtyq fılıaldarynda zattaı altyn ınvestısıalyq monetaǵa aıyrbastaýǵa bolady. Osy joba úshin arnaıy jańa ÚKI ınvestısıalyq monetasynyń eksklúzıvti dızaıny ázirlenip otyr. Onyń salmaǵy 31,1 gram, nomınaly 100 teńge, altyn synamasy – Au 999,9», – delingen habarlamada.
Taǵy bir qyzyq jaıt, moneta «Kóshpendilerdiń ǵıbadat janýarlary – totemderi» serıasyndaǵy koleksıalyq monetalar stılinde jasalǵan. ÚKI ınvestısıalyq monetasyn tek «TABYS» mobıldi qosymshasy arqyly satyp alýǵa bolady.