Qazaqstan Ulttyq banki men Ulttyq tólem korporasıasy bankaralyq QR tólemderin engizý boıynsha pılottyq jobany iske qosty.
Birinshi tranzaksıanyń kórsetilimi 15 qarashada Almatyda ótken Qazaqstan qarjygerleriniń kongresi aıasynda ekinshi deńgeıli eki banktiń qatysýymen ótti, dep habarlaıdy aqshamnews.kz.
Sonymen qatar bankaralyq QR tólem qyzmeti azamattarǵa QR tólemderin jyldam jáne yńǵaıly júrgizýge múmkindik beretin Ulttyq sıfrlyq qarjylyq ınfraqurylymnyń quramdas bólikteriniń biri sanalatyny atap ótildi.
«Bankaralyq QR tólemderin engizý kásipkerlik sýbektilerine ártúrli bankterdiń birneshe termınaldaryn ornatý qunyn tómendetýge, al azamattarǵa QR-kod arqyly eldegi kez kelgen banktiń termınaly arqyly tólem jasaýǵa múmkindik beredi. Óz kezeginde bankter NDFI ınfraqurylymyna qatysý aıasynda bankaralyq tranzaksıalardy óńdeý qunyn tómendetý jáne klıentterge tólem qyzmetterin keńeıtý esebinen shyǵyndardy ońtaılandyrýǵa múmkindik alady», delingen habarlamada.
Qazirgi tańda bankaralyq QR tólem júıesiniń fýnksıonaldyǵy qamtamasyz etilip, qatysýshy bankterdi kezeń-kezeńimen qosý jumystary júrgizilip jatyr. Jobany masshtabtaý 2025 jylǵa josparlanǵan.