QR Ulttyq banki men «Qazaqstan qor bırjasy» AQ birlesken málimdeme jasady, dep habarlaıdy Almaty-akshamy.kz
Ulttyq bank «Qazaqstan qor bırjasy» AQ-pen birlesip, teńge – AQSH dollary valúta juby boıynsha saýda-sattyq reglamentin ózgertý týraly sheshim qabyldady.
Atap aıtqanda, 28 aqpanda saýda-sattyq Nur-Sultan qalasynyń ýaqyty boıynsha saǵat 15-00-de Frankfýrt aýksıony formatynda ashylady.
Bul sharalar ýaqytsha sıpatqa ıe, belgisizdiktiń joǵary dárejesin jáne syrtqy geosaıası faktorlar tarapynan valúta naryǵyna jáne el ishindegi qarjylyq turaqtylyqqa kórsetiletin qysymdy barynsha azaıtý qajettiligin kórsetedi.
Sonymen qosa, syrtqy qarjy naryqtaryndaǵy qazirgi sáttegi asa aıqyndalmaǵan jaǵdaılardyń ózgerýine qaraı Ulttyq bank «Qazaqstan qor bırjasy» AQ-pen birlesip, 28 aqpanda Nur-Sultan ýaqyty boıynsha saǵat 15-00-ge deıin bırjalyq valútalyq saýda-sattyqty tolyq toqtata turý týraly máseleni qaraýy múmkin.
Teńge – AQSH dollary valúta juby boıynsha saýda-sattyqtyń budan bylaıǵy rejımi týraly aqparat resmı baılanys jasaý arnalary arqyly ýaqytyly jetkiziletin bolady.