Almaty qalasy Qylmystyq-atqarý júıesi departamentiniń LA-155/18 mekemesinde Ashyq esik kúni ótti. Bul kúni atalǵan mekemedegi sharýashylyq qyzmeti jasaǵyndaǵy sottalǵandar jaqyndarymen júzdesip, qýanyshqa bólendi.
Halyqaralyq áıelder merekesi qarsańynda uıymdastyrylǵan Ashyq esik kúni jazalylar analary men ápkelerin, qaryndastary men apalaryn óz qoldarymen jasaǵan ashyqhattarmen qarsy alyp, olarǵa úlken merekelik kóńil kúı syılady.
Jyl basynda elimizde jarıalanǵan Tótenshe jaǵdaıǵa jáne koronovırýs indetine baılanysty bas bostandyǵynan aıyrý oryndaryndaǵy jazalylar kópten beri jaqyndarymen betpe-bet kezdespegen edi. Sondyqtan bul Ashyq esik kúni LA-155/18 mekemesindegi barys jylǵy alǵashqy kezdesý.
Atalǵan mekemede qazir 45 sharýashylyq qyzmetindegi sottalǵan adam jazalaryn óteýde. Sharýashylyq qyzmet kórsetý jasaǵyna QR Qylmystyq-atqarý kodeksiniń 92-babyna sáıkes jazasyn qaýipsizdigi ortasha mekemede óteıtin, úkim boıynsha jazasy bes jylǵa deıingi, qylmysy orta dárejedegi, densaýlyǵy eńbekke jaramdy sottalǵandar irikteledi.
Ashyq esik kúnine kelgen 32 adam tek temir torda otyrǵan týystarymen júzdesip qana qoıǵan joq, olardyń jatatyn jáne demalatyn oryndaryn aralap jáne bir dastarhan basynda as iship, máre-sáre boldy.