Moneta Ulttyq banktiń ınternet-dúkeninde satylady.
Jańa koleksıalyq monetanyń taralymy – 100 000 dana, dep habarlaıdy Almaty-akshamy.kz
Bıyl 3 mamyrdan bastap Ulttyq bank «Semeı ıadrolyq polıgonynyń jabylǵanyna 30 jyl» koleksıalyq monetasyn satylymǵa shyǵarady.
«2022 jylǵy 3 mamyrdan bastap «Este qalatyn oqıǵalar men birtýar adamdar» monetalar serıasynan Semei iadrolyq poligonynyń jabylǵanyna 30 jyl koleksıalyq monetalary satylymǵa shyǵarylady», - dep jazylǵan Ulttyq bank taratqan habarlamada.
Jańa koleksıalyq moneta reversinde eki bólikten turatyn ıadrolyq jarylys túrinde beıneler kórinis tapqan.
«Sol jaq bóligi ıadrolyq synaqtardyń tarıhyn, úzilgen ómir men shyrǵalań taǵdyrdy beıneleıtin jaryqshaqtar túrinde berilgen. Oń jaǵynan – zardap shekken tabıǵatty bildiretin qýraǵan aǵashtyń beınesin kórýge bolady. Qýrap qalǵan aǵash butaǵyndaǵy jasyl japyraqtyń beınesi – jandaný men qylań bergen úmittiń belgisi», - dep jazylǵan habarlamada.
Monetalar 925/1000 synamada kúmisten emal jaǵý tehnologıasymen daıyndalǵan.
«Massasy – 31,1 gram, proof daıyndaý sapasy bar, nomınaly 500 teńgelik, taralymy – 5000 dana jáne neızılber qospasynan massasy 11,17 gram, uncirculated sapasymen, nomınaly 100 teńgelik, taralymy – 100 000 dana», - dep jazylǵan habarlamada.